News
Լրահոս
News
Ուրբաթ
Դեկտեմբեր 06
USD
477.94
EUR
530.13
RUB
7.49
ME-USD
0.06
Տեսնել լրահոսը

Ճապոնական գիտնականները նկարագրել են նախկինում գիտությանն անհայտ թռչունների մասին, որոնք ապրել են դինոզավրերի կողքին՝ 120 միլիոն տարի առաջ։ Նրանք վատ են թռել եւ ունեցել են հատուկ կառուցվածք, հայտնում է RG-ը։

Հետազոտությունը հրապարակված է Communications Biology գիտական ամսագրում, իսկ այդ մասին կարճ պատմում է Fox News-ը։ Հին թռչունի քարացած մնացորդները հայտնաբերվել են դեռեւս 2013թ․՝ Ճապոնիայի Ֆուկուի նահանգում։

Ուսումնասիրությունները ցույց են տվել, որ այդ էակը 120 միլիոն տարի առաջ դեռեւս մեր պատկերացրած սովորական թռչունի նման չի եղել, սակայ այն ժամանակակից թռչունների ուղիղ նախնին է։

Նոր տեսակը ստացել է Fukuipteryx prima անվանումը։ Պահպանված մի քանի ոսկորների շնորհիվ գիտնականները 3D տեխնոլոգիաների օգնությամբ կարողացել են վերարտադրել դրա արտաքին տեսքը։

Հետազոտողները կարծում են, որ այդ թռչունը եղել է ժամանակակից աղավնու չափ։ Նա կարողացել է շարժել պոչը, թափահարել թեւերը, սակայն չի կարողացել թռչել, ինչպես ժամանակակից թռչունները։ Ամենայն հավանականությամբ, նա տեղաշարժվել է միայն կարճ տարածություններ։ Ամեն ինչից դատելով՝ նա մոխրագույն եւ շագանակագույն փետուրներ է ունեցել։

Ինչպես հայտնել է հոդվածի առաջատար հեղինակ Տակուի Իմայան, սա եղել է առաջին թռչուններից մեկը Երկրի վրա։ Հավանաբար, նա ապրել է բարենպաստ եւ տաք կլիմա ունեցող տարածաշրջաններում, գետերի մոտ։

Ի դեպ, Fukuipteryx prima-ն վաղ կավճե դարաշրջանի առաջին պարզունակ թռչունն է, որին գտել են Չինաստանի սահմաններից դուրս։ Թռչունի սննդակարգի մասին գիտնականները դեռեւս ոչինչ չեն կարող ասել, սակայն նրանք ենթադրում են, որ Fukuipteryx prima-ն ինքը կեր է եղել ավելի խոշոր գիշատիչների համար։

Նաեւ նմանություններ են գտնվել Fukuipteryx prima-ի եւ աշխարհում առաջին թռչուն համարվող արխեոպտերիկսի որոշ ոսկորների միջեւ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թաիլանդի ազգային պարկում եղջերու է սատկել, որի ստամոքսի մեջ 7 կգ աղբ է հայտնաբերվել (ֆոտո)
Կենդանու ստամոքսի մեջ այնպիսի օտարածին իրեր են հայտնաբերվել, ինչպիսիք են՝ տղամարդու ներքնաշոր, պլաստիկե պայուսակներ, սուրճի փաթեթներ եւ պլաստիկե պարան...
Հազվագյուտ հիվանդության պատճառով 2 տարեկան գերմանական հովվաշունը ձագի տեսք ունի
Փոքրիկ Ռեյնջերի մոտ տեղի է ունեցել գենետիկ մուտացիա…
ԱՄՆ-ում ճակատին պոչով շան ձագ են գտել
Կենդանիների փրկրկության Mac's Mission խումբը մասնագիտանում է հատուկ պահանջներով՝ վնասվածքներով կամ զարգացման արատներով, անասնաբուժական օգնության կարիք ունեցող շների օգնության հարցերում․․․
Մյանմայում հայտնաբերված միջատը եղել է ծաղիկների հնագույն փոշոտիչը
Նախ հետազոտողները դրան հատուկ ուշադրություն չեն դարձրել՝ այն հերթական գեղեցիկ գտածոն համարելով...
Կենդանաբաններին հաջողվել է ֆոտոթակարդով նկարել վիետնամական եղնիկին
Այս տեսակի ներկայացուցիչների ուսումնասիրությունը միշտ բավական բարդ է եղել՝ ոչ մեծ չափերի եւ գունավորման պատճառով․․․
Հրաշալի լուր. կովկասյան ընձառյուծի զբոսանքը՝ «Արեւիք» ազգային պարկում (ֆոտո)
Զանգեզուր կենսոլորտային համալիր ֆեյսբուքյան էջում հայտնում են նոր կովկասյան ընձառյուծի նկարահանման մասին...
Ամենաշատ