Փոքրիկ ալիգատորը, որը թաքնվել է ամերիկյան Ֆլորիդա նահանգի բնակչի ավտոմեքենայի տակ, դուրս գալով՝ վախեցրել է ոստիկաններին, հայտնում է UPI-ը։

Ոստիկանությունը հրապարակել է իր կանչերից մեկի տեսանյութը այն մասին, թե ինչպես են իրավապահները փորձում ստիպել սողունին դուրս գալ ավտոմեքենայի տակից, եւ նրան բռնելու համար դույլ են օգտագործում։

Սակայն երբ ալիգատորը դուրս է գալիս, նրանք սկսում են գոռալ վախից եւ սարսափով հետ են ցատկում։

Ընդ որում, ոստիկանությունում հայտնել են, որ վերջիվերջո իրենց հաջողվել է բռնել սողունին։