News
Լրահոս
News
Չորեքշաբթի
Դեկտեմբեր 11
USD
478.02
EUR
529.79
RUB
7.53
ME-USD
0.06
Տեսնել լրահոսը


Նոր Հաճնում շմոլ գազից 2 օր առաջ մահացած երեխաների դպրոցներում նրանց հիշատակի անկյուններ են բացվել, ուսուցիչներն ու աշակերտները սգում են կատարվածը:

«Երեխանը ինտելեկտով բավական բարձր էին, նկարելու տաղանդ ունեին, գեղեցիկ խոսում էին, լավ պատրաստված էին, ունեին իրենց երազանքները, իրենց աշխարհը: Սիրում էին մարդկանց, սիրում էին բոլորին, կյանքը, շատ պատասխանատու էին: Մենք շատ ենք սիրել նրանց: Ամեն Նոր տարվա, ամեն Զատիկի եղել են իմ պատվավոր հյուրերը»,-NEWS.am-ին պատմեց նրանց ուսուցիչներից Աիդա Պետրոսյանը:

Երեխաները, որ երկար տարիներ է ապրում էին ծնողներից առանձին, 77-ամյա տատիկի խնամակալության տակ, դպրոցի անձնակազմի կողմից ուշադրության կենտրոնում են եղել, տան կրտսեր տղան՝ 15-ամյա Տիգրանը, դպրոցի նախաձեռնությամբ նկարչության դասերի է հաճախել: Նրա ավագ եղբայրը՝ 16-ամյա Էդուարդը նույնպես արվեստի սիրահար է եղել, հայտնի մարդկանց դիմանկարներ է սիրել նկարել, երազել է բարձրագույն կրթություն ստանալու մասին: Նրա դասղեկի՝ Կարինե Մկրտչյանի խոսքով, բարձր առաջադիմություն է ունեցել, չնայած ինչ որ պահից անձնական խնդիրները խանգարել են ուսմանը:

«Եկավ մի պահ, որ կտրուկ ընկավ առաջադիմությունը, գրավոր աշխատանքները լավ էր, բայց բանավորը չէր հասցնում: Երբ հարցնում էի՝ պատճառն ինչ է,ասում էր՝ ընկեր Մկրտչյան , դուք տեղյակ չեք՝ իմ կյանքում ինչ խնդիրներ կան, ես ինչերի միջով եմ անցնում: Ինչքան էլ նրբորեն փորձել եմ խորանալ, հասկանալ, էդուարդը շատ հպարտ էր, կար անձնական տիրույթի մի սահման, որտեղ ոչ ոք չէր կարող ներս մտնել»,- պատմեց նա՝ նշելով, որ փորձել է անձամբ այցելել Էդուարդին տանը, զրուցել նրա հետ, բայց Էդուարդը թույլ չի տվել:

Երկու քույրերը՝ 14-ամյա Ժաննան եւ 12-ամյա Սերինեն, հանդես էին գալիս «Արարատ» ֆուտբոլային ակումբի կանանց թիմում: Հայրն ու ազգությամբ ուկրաինացի մայրը լքել են Հայաստանը, երբ Սերինեն 3 տարեկան է եղել, նրանք ամուսնալուծված են, ապրում են Ուկրաինայում: Երեխաների խնամակալը՝ տատիկը, մանկավարժ է եղել, ունեն հորեղբայր, որը տատիկի հետ զբաղվել է երեխաների խնամքով: Վերջին երկու տարվա ընթացքում Տիգրանը եւ Ժաննան գիշերօթիկում են սովորել, այն փակվելուց հետո այս տարվա սեպտեմբերից Ժաննան վերադարձել է դպրոց, Տիգրանը՝ անցել աշխատանքի:

Երեխաների հայրը Արման Մարգարյանը, ինչպես ավելի վաղ հայտնել էինք, Հայաստան գալու ճանապարհին ձերբակալվել է ՌԴ միգրացիոն օրենքը խախտելու համար: Ռոստովում ՀՀ հյուպատոսությունն կապ է հաստատել ռուս իրավապահների հետ, նա վաղը կամ մյուս օրը կլինի Հայաստանում:

Ավելի վաղ հայտնել էինք, որ, ըստ նախնական տվյալների, երեխաները եւ նրանց տատը մահացել են շմոլ գազի արտահոսքից: Դեպքը տեղի է ունեցել նոյեմբերի 16-ին: Ահազանգը ստացվել է ժամը 13:00-ի սահմանում: Հարուցվել է քրեական գործ՝ ՀՀ ՔՕ 279-րդ հոդվածի 3 մասի հականիշներով:

Տպել
Կարդացեք նաև
Ամբողջը
Նախօրեին մահվան ելքով վրաերթից մահացած 22-ամյա աղջիկը Հրազդան քաղաքի բնակիչ էր՝ ապագա բժշկուհի
Շատ խելացի, սիրուն եւ բարի աղջիկ էր, ապագա բժշկուհի: Այն, ինչ տեղի ունեցավ նրա ընտանիքի հետ, ուղղակի սարսափելի է եւ ողբերգություն..
Խոշոր ավտովթար Սարալանջի հին ճանապարհին. 2 մարդ տեղափոխվել է հիվանդանոց
Բախվել են BMW X6 մակնիշի 77 ՕՍ 077 համարանիշի, Mercedes մակնիշի 07 ZX 707 համարանիշի և Mercedes մակնիշի 35 TC 623 համարանիշի ավտոմեքենաները…
Բագրատաշենի բաժանմունք բերման է ենթարկվել Վրաստանի քաղաքացի
2009թ. սեպտեմբերի 3-ից հետախուզվում է ՌԴ Մոսկվա քաղաքի ՆԳՎ Մետրոպոլիտենի կողմից՝ ՌԴ քրեական օրենսգրքի 159 հոդվածի /Խարդախությունը/ մեղադրանքով․․․
Գորիսի ոստիկանները բացահայտել են Կոռնիձորի համայնքապետի ապօրինությունները
Նախապատրաստված նյութերի հիման վրա ոստիկանության Գորիսի բաժնում առանձնապես խոշոր չափերով յուրացման կամ վատնման և փաստաթղթեր կեղծելու…
Անհայտ անձը ներկայացել էր սոցապի աշխատակից և թալանել 88-ամյա ծերունուն
Նա ձերբակալվել և տվել է խոստովանական ցուցմունք․․․
Միջադեպ Ադրբեջանի եւ Վրաստանի սահմանին. Հովվաշները հարձակվել են սահմանապահների վրա
Շներից կրակելով փախչող ադրբեջանցի սահմանապահները հովիվին գլխից վիրավորել են…