News
Լրահոս
News
Չորեքշաբթի
Դեկտեմբեր 11
USD
478.02
EUR
529.79
RUB
7.53
ME-USD
0.06
Տեսնել լրահոսը

Բելառուսում խորհրդարանական ընտրություններում միջազգային դիտորդները հայտարարել են, որ ընտրություններն անցել են հանգիստ, սակայն ուղեկցվել են ընտրական գործընթացի օբյեկտիվության հանդեպ կասկածներով, հայտնում է DW-ը։

«Հիմնական ազատությունները չէին պահպանվում, իսկ ընտրական գործընթացի օբյեկտիվությունը պատշաճ կերպով երաշխավորված չէր Բելառուսում խորհրդարանական արտահերթ ընտրություններում, չնայած գրանցված թեկնածուների թվի աճին»,- այսպիսի եզրահանգման են եկել միջազգային դիտորդները Բելառուսում նոյեմբերի 17-ին անցկացված խորհրդարանական ընտրությունների արդյունքներով իրենց նախնական զեկույցում։

ԵԱՀԿ հատուկ համակարգող Մարգարետ Սեդերֆելդը երկուշաբթի, նոյեմբերի 18-ին, Մինսկում հայտարարել է, որ ընտրություններն անցել են հանգիստ պայմաններում, սակայն չեն համապատասխանել ժողովրդավարական ընտրությունների միջազգային կարեւոր չափանիշներին։ Նրա խոսքերով, դիտորդները նշել են ինքնարտահայտման, հավաքների եւ ասոցիացիաների հիմնարար ազատությունների ընդհանուր անտեսման մասին։ Ընդ որում, մեծ թվով թեկնածուներ են ընտրություններին մասնակցելու հայտ ներկայացրել, սակայն նրանց մասնակցությունը սահմանափակվել է։

Այս ընտրությունները, ԵԱՀԿ ներկայացուցչի կարծիքով, ցույց են տվել «ժողովրդավարական պարտավորությունների պահպանման լիակատար բացակայություն»։ «Պետության մեջ, որտեղ խորհրդարանի իրավասություններն ու անկախությունը սահմանափակ են, իսկ ինչպես ընտրողների, այնպես էլ թեկնածուների հիմնարար ազատությունները ճնշվում են, վտանգ կա, որ խորհրդարանական ընտրությունները կարող են ձեւականության վերածվել»,- ընդգծել է Սեդերֆելդը։

ԵԱՀԿ ներկայացուցիչները հերթական անգամ եկել են այն եզրակացության, որ Բելառուսի իրավական բազան ժողովրդավարական ընտրություններ չի երաշխավորում։

Դիտորդների կարծիքով, անցյալ ընտրություններից հետո դրսեւորվել են ընտրական օրենսգիրքը փոխելու որոշակի ջանքեր, սակայն որեւէ կոնկրետ քայլ բելառուսական իշխանությունը չի արել։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Զոհրաբ Մնացականյանը ԵԱՀԿ գործող նախագահին ներկայացրեց ԼՂ կարգավորման գործընթացի շուրջ վերջին զարգացումները
Նախարար Մնացականյանը շնորհավորեց իր սլովակ գործընկերոջը ԵԱՀԿ-ում հաջող նախագահության կապակցությամբ․․․
ԵԱՀԿ Մինսկի խմբի համանախագահող երկրների պատվիրակությունների ղեկավարները համատեղ հայտարարություն են արել
Համանախագահող երկրների պատվիրակությունների ղեկավարները դրական են արձագանքում բռնության դեպքերի համեմատաբար ցածր մակարդակի մասին…
ԱՄՆ-ը սատարում է ԵԱՀԿ Մինսկի խմբի ջանքերին
Անհրաժեշտ է լրացուցիչ ջանք գործադրել խաղաղություն հաստատելու ուղիները որոշելու ուղղությամբ…
Լեռնային Ղարաբաղում կա էսկալացիայի իրական սպառնալիք. ԵԱՀԿ գործող նախագահ
Այս կազմակերպությունը առաջինը կլինի, որը խաղաղությանն ուղղված կոնկրետ քայլեր կառաջարկի…
Հայաստանի եւ Ադրբեջանի ԱԳ նախարարները համատեղ աշխատանքը կշարունակեն հաջորդ տարվա սկզբին
Նախարար Մնացականյանը եւս մեկ անգամ ընդգծեց Արցախի իշխանությունների ուղիղ նեգրավման անհրաժեշտությունը, հատկապես կարգավորման բովանդակային հարցերի շուրջ...
Ի՞նչ է քննարկվել Զոհրաբ Մնացականյանի եւ համանախագահների հանդիպման ժամանակ
Ժողովուրդներին խաղաղության նախապատրաստելու պայմանավորվածության առումով դրական գնահատվեց...