News
Լրահոս
News
Երկուշաբթի
Դեկտեմբեր 09
USD
477.97
EUR
528.87
RUB
7.49
ME-USD
0.05
Տեսնել լրահոսը

Ռուսաստանցի Եվգենի Գլուշչենկոն, որին սահմանն անօրինական հատելու փորձի ժամանակ հրազենից վիրավորել էր ԱՄՆ սահմանապահ եւ մաքսային վերահսկողության  ծառայության աշխատակիցը, ռուսական դիվանագետների հետ շփվելու ցանկություն չի ցուցաբերում, հայտնում է ՏԱՍՍ-ը՝ հղում կատարելով դիվանագիտական աղբյուրին։

«Մենք կարող ենք այցելել ռուսական քաղաքացիներին այն դեպքում, եթե նրանք նման ցանկություն են հայտնել,- նշել է նա,- Տվյալ դեպքում նման խնդրանք չի եղել»։

Աղբյուրի խոսքերով, ռուսաստանցու հետ, որը գտնվում է Գուդիեր քաղաքի (Արիզոնա նահանգ) հիվանդանոցում, փերձել են կապվել հեռախոսով։ «Ոստիկանը նրան է մոտեցրել հեռախոսափողը, սակայն նա (Գլուշչենկոն) ընդհատել է խոսակցությունը»,- պարզաբանել է դիվանագետը։

Անցյալ ուրբաթ ԱՄՆ սահմանապահ եւ մաքսային վերահսկողության ծառայությունը տեղեկացրել էր, թե իրենց աշխատակիցը կրակել է ՌԴ քաղաքացու վրա, որը փորձել է անօրինական հատել ամերիկա-մեքսիկական սահմանը։ Ծառայության ներկայացուցիչները հայտնել են, որ ռուսաստանցու վիճակը գնահատվում է բավարար եւ չի վատանում։

Գլուշչենկոն նախկինում Արիզոնայում արդեն կալանավորվել էր։ Նահանգի իշխանությունների տվյալներով, նա 2018թ․ սեպտեմբերից գտնվելիս է եղել Արիզոնայի հարավում նախնական կալանքի կենտրոնում։ Ամերիկյան կողմը հայտնում է, որ նա կալանավորվել է հղի կնոջ հետ Մեքսիկայից Ամերիկա ներթափանցելու փորձի համար։

!
Այս նյութը հասանելի է նաև   Русский
Տպել