ՀՀ Քննչական կոմիտեի ՀԿԳ քննության գլխավոր վարչության վարույթում Կոտայքի մարզի Աղվերան համայնքում գտնվող պանսիոնատը սեփականաշնորհելու եւ այն Եվրոպական համալսարանի սեփականությունը դարձնելու դեպքի առթիվ քրեական գործ չի քննվում: Այս մասին հաղորդագրություն է տարածել ՀՀ Քննչական կոմիտեն՝ անդրադառնալով «Ժամանակ» օրաթերթի այսօրվա համարում «Քրգործ կհարուցվի՞. Սերժ Սարգսյանը փոխհատուցե՞լ է Արթուր Բաղդասարյանին» վերտառությամբ հրապարակված հոդվածին:
«Հետեւաբար թերթի հրապարակումն այդ մասին իրականությանը չի համապատասխանում»,-ասված է հաղորդագրության մեջ:
Իր հերթին Եվրոպական ակադեմիայից NEWS.am-ին հայտնեցին, որ Կոտայքի մարզի Աղվերան համայնքում գտնվող գույքի արժեքը կազմում է ոչ թե 5 միլիոն դոլար, ինչպես նշված է հրապարակման մեջ, այլ 84 միլիոն ՀՀ դրամ:
«Ժամանակ». Քրգործ կհարուցվի՞. Սերժ Սարգսյանը փոխհատուցե՞լ է Արթուր Բաղդասարյանին
