Արթուր Վանեցյանը եղել է ԱԱԾ տնօրեն եւ երբեւէ մեր թիմի անդամ չի եղել: Այս մասին, այսօր՝ նոյեմբերի 19-ին, ԱԺ-ում, լրագրողների հետ զրույցում նշեց «Իմ քայլը» խմբակցության պատգամավոր, ՀՖՖ գործկոմի անդամ Արեն Մկրտչյանը:
«ԱԱԾ տնօրենը որեւէ թիմի անդամ չի կարող լինել»,-ասաց նա:
Ինչ վերաբերում է դիտարկմանը, որ ամբողջ քաղաքական թիմն էր ժամանակին պարծենում Վանեցյանի գլխավորած ԱԱԾ-ի բացահայտումներով, Մկրտչյանը նշեց. «Բացահայտումներ անելը պարծենալու առիթ չէ, դա ԱԱԾ տնօրենի պարտականությունն է: Բացի դրանից, մի դեպքում գործ ունենք ԱԱԾ տնօրենի, մյուս դեպքում ՀՖՖ նախագահի հետ, որոնք բոլորովին այլ գործառույթներ են»:
