News
Լրահոս
News
Ուրբաթ
Դեկտեմբեր 13
USD
477.51
EUR
533.9
RUB
7.66
ME-USD
0.05
Տեսնել լրահոսը

Նախատեսվում է Հայաստանում մինչեւ 2024 թվականը կառուցել 300-ից մինչեւ 400 ՄՎտ հզորությամբ արեւային էլեկտրակայաններ, որոնք կապահովեն երկրի պահանջի 10 տոկոսը: Այս մասին նոյեմբերի 19-ին լրագրողների հետ զրույցում ասաց Հայաստանի տարածքային կառավարման եւ ենթակառուցվածքների փոխնախարար Հակոբ Վարդանյանը:

Նրա խոսքով՝ այսօր վերականգնվող էներգետիկայի ոլորտն ավելի հասանելի է դառնում, եւ Հայաստանի Կառավարությունը համապատասխան քաղաքականություն է վարում, ինչը դրսեւորվել է «Մասրիկ-1» 55 ՄՎտ հզորությամբ արեւային էլեկտրակայանի կառուցման նախագծի իրականացման մեջ, որի ֆինանսական արդյունքների ամփոփումը կիրականացվի մինչեւ դեկտեմբերի 16-ը, որից հետո մրցույթում շահած ընկերությունը կայանը կկառուցի 2 տարում:

«Բացի «Մասրիկ-1»-ից նախատեսվում է եւս 5 արեւային էլեկտրակայանների կառուցում՝ 120 ՄՎտ ընդհանուր հզորությամբ:  Համապատասխան հետազոտությունների անցկացումից հետո կհայտարարվի միջազգային մրցույթ: Դրանցից ամենամեծ կայանը կլինի Թալինում՝ ընդհանուր մինչեւ 75 ՄՎտ հզորությամբ: 2018 թվականի կեսին կառուցվել է 9 արեւային էլեկտրակայան՝ մինչեւ 1 ՄՎտ հզորությամբ: Կառուցման փուլում են եւս 25 կայաններ՝ մինչեւ 5 ՄՎտ հզորությամբ»,- նշեց նա՝ հավելելով, որ ՀԾԿՀ-ն վերջին տարում ընդհանուր 200 ՄՎտ հզորությամբ արեւային կայանների կառուցման լիցենզիա է տրամադրել, եւ ընդհանուր 105 ՄՎտ հզորությամբ կայանները հիմա կառուցման փուլում են:

Վարդանյանը պարզաբանեց, որ 1990-ական թվականներից Հայաստանում սկսել է մշակվել օրենսդրական բազա փոքր ՀԷԿ-երի կառուցման համար, եւ այսօր երկրում դրանք 186-ն են՝ 280 ՄՎտ ընդհանուր հզորությամբ։ «Բացի այդ, կառուցման փուլում են եւս 35 փոքր ՀԷԿ-եր՝ 60 ՄՎտ ընդհանուր հզորությամբ»,- ավելացրեց փոխնախարարը։

Անդրադառնալով «Հայաստանի էլեկտրացանցեր» ներդրումային ծրագրին՝ պաշտոնյան պարզաբանեց, որ այն հաշվարկված է 2018-2027 թվականների արդիականացման համար՝ 700 մլն դոլար գումարով, եւ կապված չէ վերականգնվող էներգիայի ռեսուրսների հետ։

Նշենք, որ «Մասրիկ-1» կայանի հզորությունը թույլ կտա ամեն տարի արտադրել մինչեւ 120 մլն կվտ/ժ էլեկտրաէներգիա։ Ներդրումների ակնկալվող գումարը կազմում է մոտ 50 մլն դոլար։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Գազպրոմ Արմենիա» ընկերությունը պատրաստակամ է պարզաբանումներ ներկայացնել
Ջեռուցման սեզոնին բնական գազի սպառման ծավալների աճով, ինչպես նաև գազօգտագործման անվտանգության խնդիրներով պայմանավորված...
Գերմանիան չի ընդունում «Հյուսիսային հոսք-2»-ի դեմ ԱՄՆ պատժամիջոցները
Պատժամիջոցների հանդեպ մեր դիրքորոշումը միանշանակ է․․․
Հայկական ԱԷԿ-ը փակելու Ադրբեջանի առաջարկը «Եվրանեսթում» աջակցություն չստացավ
Հայկական պատվիրակությունը խափանել է Հայկական ատոմային էլեկտրակայանի փակման հարցը բարձրացնելու ադրբեջանցի գործընկերների փորձերը…
Կառավարությունը հավանություն տվեց ԱԷԿ-ի շահագործման ժամկետի երկարաձգման աշխատանքների ֆինանսավորման առաջարկին
Նախատեսվող փոփոխություններով երկարաձգվում են վարկի օգտագործման ժամկետները․․․
Նույն մեքենան նույն կետից լիցքավորում էի 3800 դրամ, այսօր այն 4200 դրամ կազմեց. Զոհրապ Եգանյան
Այսօր ինքս ականատես եղա դրան, եթե նախկինում նույն մեքենան ու նույն լիցքավորման կետից լիցքավորում էի 3800 դրամ...
Նավթի համաշխարհային գներն աճում են
Հինգշաբթի՝ դեկտեմբերի 12-ին, սակարկությունների ընթացքում նավթի համաշխարհային գներն աճում են…