News
Լրահոս
News
Երեքշաբթի
Մարտ 19
Տեսնել լրահոսը

Ազգային ժողովը նախօրեին երկրորդ եւ վերջնական ընթերցմամբ հավանություն է տվել «Անշարժ գույքի շուկայական արժեքին մոտարկված կադաստրային գնահատման կարգի սահմանման մասին» օրենքում փոփոխություններ կատարելուն, որոնք ենթադրում են անշարժ գույքի կադաստրային արժեքի փոփոխություն եւ գույքահարկի հետագա փոփոխություն: Այս մասին նոյեմբերի 20-ին ԱԺ նիստում ավանդական ճեպազրույցի ժամանակ հայտարարեց «Լուսավոր Հայաստան» կուսակցության պատգամավոր Արկադի Խաչատրյանը:

Պատգամավորը, մասնավորապես, նշեց, որ ներկայումս գործող գույքահարկի եւ հողի հարկի փոխարեն կսահմանվի անշարժ գույքի միասնական հարկ (հող+շինություն-խմբ.), որպես դրա օբյեկտ սահմանելով հողն ու ապահովելով կադաստրային արժեքից անցումը իրական շուկայական գնի՝ առանց գյուղատնտեսական նշանակության հողերի վրա ազդելու: Այդպես կձեւավորվեն շուկայական գնին մոտարկված կադաստրային գները, որոնք ենթադրվում է օգտագործել հարկման եւ տարատեսակ գործարքների համար: «Խոսքն իրականում անշարժ գույքի բոլոր տեսակների մասին է: Խոսքը միայն թանկարժեք անշարժ գույքի մասին չէ: Այդ ամենը նշանակում է, որ Հայաստանում անշարժ գույքի կադաստրային արժեքը կտրուկ կբարձրանա: Դա պետք է ուժի մեջ մտնի 2021 թվականից»,- բացատրեց Խաչատրյանը՝ հավելելով, որ իրենք միակ քաղաքական ուժն են, որն այդ օրինագծի դեմ է քվեարկել:

Նշենք, որ կառավարությունը մտադիր է գնահատման մրցակցային եւ միասնական համակարգ ստեղծել: Բացի այդ, կվերացվի շուկայական եւ կադաստրային արժեքի միջեւ մեծ տարբերությունը, զգալիորեն կթեթեւանա հարկային օրենսդրությունը: Երկրի գոտիավորում կանցկացվի: Տարածքը կառանձնացվի 13 գոտու, դրանց թիվը ծրագրվում է հետագայում ավելացնել մինչեւ 20-ը, ինչից հետո իշխանությունները կսահմանեն անշարժ գույքի արժեքի չհարկվող շեմը: Այժմ այն կազմում է 3 մլն դրամ, եւ այն ծրագրվում է մեծացնել երկու անգամ: Բազային արժեքը առաջարկվում է վերանայել 3 տարվա մեջ մեկ անգամ, ընդ որում, վերջին անգամ այն վերանայվել է 2003 թվականին: Տվյալ փոփոխություններն ուժի մեջ կմտնեն 2021 թվականի հունվարի 1-ից, որից հետո կսահմանվեն գույքահարկի դրույքաչափերը, նվազագույն շեմն ու գոտիավորման նոր գնահատականները: Փորձագետների կարծիքով՝ գույքահարկը Երեւանի կենտրոնում կբարձրանա ավելի քան 5 անգամ: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ մարտի 18-ին, կազմել է…
Կանանց տնտեսական զորեղացման ուղղությամբ ՀՀ կողմից իրականացվող ծրագրերը ներկայացվել են Նյու Յորքում քննարկման շրջանակում
Անդրադառնալով կին ձեռներեցների գործունեությանը խրախուսելու ՀՀ կառավարության քաղաքականությանը՝ նախարար Մկրտչյանն այս գործընթացում...
PROFAL-ը և ML Mining-ը համագործակցության պայմանագիր են ստորագրել
Երկու ընկերությունների համագործակցությունը կիրականացվի «Այգիներ Պրեմիում», «Դալմա Հիլզ» և «Ադոնց Պրեմիում» նախագծերի շուրջ...
Կհստակեցվի սպանդային մթերքի և մսամթերքի մակնշման մեջ նշված սննդային արժեքի վերաբերյալ տեղեկությունը
Հանձնաժողովի խորհուրդը մինչև այդ փոփոխությունների ուժի մեջ մտնելը տրված կամ ընդունված սպանդային մթերքի և մսամթերքի համապատասխանության…
ՊԵԿ-ը ներդրել է վարչական իրավախախտումների վերաբերյալ վարույթների էլեկտրոնային կառավարման նոր համակարգ
Նոր համակարգի գործարկմամբ պայմանավորված՝ վարույթի շրջանակում ընդունված փաստաթղթերի, ծանուցագրերի և վարչական ակտերի ծանուցումներն...
Ամենաշատ