«Ահաբեկչության գլոբալ ինդեքս» (The Global Terrorism Index - GTI) անվանմամբ փորձագետների միջազգային խմբի՝ նոյեմբերին հրապարակած հետազոտության համաձայն՝ Հայաստանը զբաղեցրել է 94-րդ հորիզոնականը:
Ըստ փորձագետների՝ Հայաստանը, Ղազախստանը, Ռուսաստանը, Ուկրաինան եւ Ռուսաստանը զգալիորեն բարելավել են իրենց ցուցանիշները:
Բելառուսն ու Թուրքմենստանն ԱՊՀ տարածքում առավել անվտանգ երկրներ են ճանաչվել:
Եվրամիության անդամ երկրների շրջանում Մեծ Բրիտանիան ճանաչվել է ահաբեկչական հարձակումներին ռիսկին ավելի շատ հակված պետություն: Ըստ հետազոտության՝ Մեծ Բրիտանիան գտնվում է ահաբեկչական սպառնալիքի մակարդակով 28-րդ հորիզոնականում՝ առաջ անցնելով ԵՄ այլ երկրների՝ Ֆրանսիային, Գերմանիային, Բելգիային եւ Իսպանիային:
Ցուցակում ԱՄՆ-ը 22-րդ հորիզոնականում է, Թուրքիան՝ 16-րդ:
Ահաբեկչության տեսանկյունից աշխարհի ոչ անվտանգ երկրների թվում են Աֆղանստանը, Իրաքը, Նիգերիան եւ Սիրիան: