«Global IT Award» միջազգային մրցանակաբաշխության հաղթող է դարձել ճապոնացի գիտնական Տակեո Կանադեն:
Տակեո Կանադեն Քարնեգի Մելոն համալսարանի պրոֆեսոր է: Նա «Origami World» տեսության հեղինակն է (1981 թվականին տեսություն է ստեղծել այն մասին, թե ինչպես մեկ նկարից վերականգնել եռաչափ ձեւը): Նրան է պատկանում նաեւ «Վիրտուալ իրականություն» հասկացությունը:
Հիշեցնենք, որ մրցանակլը հանձնվում է արդեն 10-րդ տարին: Տարբեր տարիների «Global IT Award»-ի միջազգային մրցանակի դափնեկիր են դարձել «Intel»-ի նախկին տնօրեն Քրեյգ Բարեթը, «Apple»-ի համահիմնադիր Սթիվ Վոզնյակը, առաջին կոմերցիոն միկրոպրոցեսորի ստեղծող Ֆեդերիկո Ֆաջինը, «Hitachi»-ի նախկին տնօրեն Ցուգիո Մակիմոտոն, «Cisco»-ի զարգացման գծով տնօրեն Նարիո Մացոլան, հակավիրուսների մշակող Եվգենի Կասպերսկին, ինտերնետի առաջին հետազոտողներից Լուի Պուզենը, «Ipod»-ի ստեղծող Թոնի Ֆադելը, «National Instruments» կորպորացիայի համահիմնադիր Ջեյմս Թրուշարդը: