News
Լրահոս
News
Կիրակի
Դեկտեմբեր 08
USD
478.03
EUR
530.47
RUB
7.5
ME-USD
0.06
Տեսնել լրահոսը

«Global IT Award» միջազգային մրցանակաբաշխության հաղթող ճապոնացի գիտնական Տակեո Կանադեն դեկտեմբերի 3-ին կժամանի Հայաստան: Այս մասին նոյեմբերի 20-ին լրագրողների հետ հանդիպման ժամանակ հայտարարեց մրցանակի մրցանակաբաշխության կոմիտեի աշխատանքների համակարգող, «Synopsys Armenia» ընկերության գործադիր տնօրեն Հովիկ Մուսայելյանը:

Նա հավելեց, որ դեկտեմբերի 4-ին գիտնականը կմասնակցի ֆորումին, որի մասին կհայտարարվի ավելի ուշ, հանդիպում կանցկացնի ՀՀ բարձր տեխնոլոգիական արդյունաբերության Հակոբ Արշակյանի հետ: «Բացի այդ, Կանադեին Պոլիտեխնիկական համալսարանում պատվավոր դոկտորի կոչում կշնորհվի, նախատեսվում է հանդիպում «Synopsys Armenia» ընկերությունում ուսանողների եւ IT մասնագետների հետ: Պաշտոնական ընթրիքի ժամանակ Հայաստանի վարչապետ Նիկոլ Փաշինյանը գիտնականին կհանձնի մրցանակը: Դեկտեմբերի 6-ին Տակեո Կանադեն կհանդիպի ՀՀ նախագահ Արմեն Սարգսյանի եւ կաթողիկոս Գարեգին Երկրորդի հետ»,- հայտնեց նա:

Մուսայելյանը նկատեց, որ մրցանակաբաշխության առաջին տարիներին կարեւոր էր հեղինակավոր մարդկանց ներգրավումը, ինչպես նաեւ վստահ լինելը, որ նրանք, ում մրցանակ է շնորհվում, կկարողանան Հայաստան գալ՝ հաշվի առնելով այդ մարդկանց խիտ գրաֆիկը:

«Այս տարի Կանադեին մրցանակի շնորհման նախաձեռնության հեղինակը Ճապոնիայում Հայաստանի դեսպան Հրանտ Պողոսյանն է»,- ասաց նա՝ վստահեցնելով, որ նախկին դափնեկիրների կապը Հայաստանի հետ շատ սերտ է: «Մասնավորապես, «Hitachi»-ի նախկին տնօրեն Ցուգիո Մակիմոտոն գիրք է գրել, Կասպերսկին Հայաստանի բուհերում լաբորատորիաներ է հիմնել: Համագործակցության օրինակները շատ են»,- նկատեց Հովիկ Մուսայելյանը՝ հիշեցնելով, որ արդեն երկրորդ տարին է՝ մրցանակը պետական կարգավիճակ ունի:

Նշենք, որ այսօր հայտնի է դարձել «Global IT Award» միջազգային մրցանակաբաշխության հաղթողի անունը: Նա ճապոնացի գիտնական Տակեո Կանադեն է:  

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանում ցուցադրել են նոր ծովային անօդաչու սարք
Իրանի ՌԾՈւ-ն նոր անօդաչու սարք է ցուցադրել...
Apple-ը առանց Lightning բնիկի «բարձրագույն» դասի iPhone կթողարկի
2021թ․ երկրորդ կեսին Apple-ը առանց Lightning բնիկի «բարձրագույն» դասի iPhone կթողարկ․․․
ԱՄՆ ոստիկանությունը փորձարկում է ոչ մահացու զենք հանցագործներին բռնելու համար
Նորույթը մտածել են Արիզոնայի ինժեներները...
Քննարկվել են Բարձր տեխնոլոգիական արդյունաբերության նախարարության եւ ԱԱԾ 2020 թ. բյուջետային հատկացման հայտերը
Կառավարությունում շարունակվում են գերատեսչությունների բյուջետային հատկացումների հայտերի քննարկումները...
ԵՄ-ն որոշել է արգելել Facebook Libra-ն
Բրյուսելը զբաղված է սեփական թվային արժույթի ստեղծմամբ, որը պետք է օրինական այլընտրանք դառնա մասնավոր ընկերությունների ստեղծածներին…
Նիկոլ Փաշինյանը ՏՏ ոլորտում համաշխարհային ներդրման համար ՀՀ պետական մրցանակ է հանձնել Տակեո Կանադեին (ֆոտո)
Տակեո Կանադեն շնորհակալություն է հայտնել վարչապետ Փաշինյանին իր գործունեությունը բարձր գնահատանքի արժանացնելու համար․․․
Ամենաշատ