ՀՀ կրթության, գիտության, մշակույթի եւ սպորտի նախարար Արայիկ Հարությունյանի եւ պետական բուհերում հայագիտական առարկաների պարտադիր դասավանդման համար հանդես եկող երիտասարդների հանդիպումն անիմաստ է: Այս մասին նոյեմբերի 20-ին Ազգային ժողովում ավանդական ճեպազրույցի ժամանակ հայտարարեց «Իմ քայլի» պատգամավոր Հովհաննես Հովհաննիսյանը:
Նա նշեց, որ բողոքի ակցիաների ընթացքում դաշնակցական երիտասարդները երկրում կրթական համակարգի բարեփոխումների հետ կապ ունեցող որեւէ հարց չեն բարձրացնում: «Նրանք ասում են, որ կարող են հանդիպել Արայիկ Հարությունյանի հետ միայն նրա հրաժարականի հարցը քննարկելու համար: Նման հանդիպումն անիմաստ է: Եթե նրանք բարեփոխումների հետ կապված որեւէ հարց բարձրացնեն, ապա երկխոսության համար դռները բաց են»,- ասաց Հովհաննիսյանը: