Օգոստոսի 29-ին, ժամը 16.20-ին, ոստիկանություն զանգահարած քաղաքացին հայտնել էր, որ Հրազդան քաղաքի Նար-Դոսի փողոցի մի տնից կատարվել է գողություն:
Ոստիկանությունից NEWS.am-ին հայտնում են, որ ոստիկանության Հրազդանի բաժնից մեկնած օպերատիվ խումբը պարզել էր, որ պատուհանը կոտրել եւ ահազանգողի հայրական տնից գողացել էին էլեկտրական մսաղաց, երշիկ կտրտելու սարք, հարիչ, անկողնու պարագաներ, սրբիչներ եւ սպասք:
Դեպքի առթիվ հարուցվել էր քրեական գործ:
Նոյեմբեր 19-ին ոստիկանության Հրազդանի բաժնի քրեական հետախույզներն ու անչափահասների գործերով տեսուչները Կոտայքի մարզային քննչական վարչության ծառայողների հետ համատեղ ձեռնարկված միջոցառումների շնորհիվ պարզել են, որ գողությունը կատարել է Հրազդանի բնակիչ, 12-ամյա մի տղա: Քննչական վարչությունում նա տվել է խոստովանական ցուցմունք:
Տղան հանձնվել է ծնողի հսկողությանը:
Նախաքննությունը շարունակվում է: