Քրեական ենթամշակույթի դեմ պայքարը վաղուց էր պետք սկսել, ուշացած է: Այս մասին, այսօր՝ նոյեմբերի 20-ին, լրագրողների հետ զրույցում նշեց ԱԻ նախարար Ֆելիքս Ցոլակյանը:
«Բոլոր երկրներում դրա դեմ պայքարը կա, տարբեր երկրների օրինակով: Ես գտնում եմ, որ դա պետք է: Իսկ մեխանիզմների մասին հարցրեք մասնագետներին, ես չգիտեմ»,-ասաց Ցոլակյանը:
Նա դժվարացավ ասել, թե ինչու նախկինում նման օրենք չի եղել. «Անհրաժեշտությունը միշտ էլ եղել է: Դրա մասին խոսակցություն միշտ եղել է, բայց օրենք չի եղել: Մեխանիզմների մասին մասնագետները թող ասեն: Ես իմ պատկերացումներն ունեմ, բայց հիմա չեմ կարող նշել: Դա զգույշ պետք է արվի, որ հանկարծ անմեղ մարդուն չկարողանան որեւէ բան անել: Այստեղ փայտը երկու ծայր ունի: Օրենքը շատ ճշգրիտ պետք է ներկայացնի, թե որ դեպքում ինչ պետք է արվի»,-ասաց նա:
