Թուրքական ոստիկանությունը հարցաքննել է երկրում ԱՄՆ հյուպատոսության աշխատակիցներին՝ Հելոուինի առթիվ երեկոյի տեսանյութում կրոնական արժեքները վիրավորելու մեղադրանքների հետ կապված, հայտնում է DHA-ն։
Զույգը, որն աշխատում է հարավային Ադանա քաղաքում տեղակայված հյուպատոսությունում, կանչվել է հարցաքննության եւ ավելի ուշ ազատ է արձակվել, լրատվական գործակալությանը հայտնել է տեղացի դատախազը։
Հարցազրույցի կանչելու պատճառ է հանդիսացել տեսանյութը, որում կինը կատակում է Զամզամի ջրի (Մեքքայում սուրբ ջրհորի ջուր) հատ կապված։ Որպես բարեպաշտ մահմեդական հանդերձավորված տղամարդը խորհուրդ է տալիս նրան կոկտեյլ խմել։
Դատախազի խոսքերով, հարցաքննության կանչվածները հյուպատոսության 30 եւ 38 տարեկան աշխատակիցներ են։
Անկարայի եւ Վաշինգտոնի հարաբերությունները վերջին ժամանակներս ավելի են սրվել՝ կապված Թուրքիայի կողմից ռուսական С-400 համակարգեր գնելու եւ Սիրիայի հյուսիս ներխուժելու հետ։
Ստամբուլում ԱՄՆ հյուպատոսության եւս մեկ աշխատակից դեռեւս գտնվում է բանտում՝ սպասելով լրտեսության մեղադրանքով դատին։
