ՀՀ էկոնոմիկայի նախարարությունը գնահատել է 2020 թ․-ի հունվարի 1-ից երրորդ (ոչ ԵՏՄ) երկրներից ապրանքների ներմուծման դեպքում մաքսատուրքերի դրույքաչափերի փոփոխության արդյունքում ազդեցության առավելագույն չափը գնաճի վրա, որը կկազմի 0,5 տոկոսային կետ։

Նախարարությունը դրա վերաբերյալ տեսանյութ է պատրաստել, որտեղ ներկայացվում են սպառողական զամբյուղում ներառված այն առավել զգայուն ապրանքները, որոնց համար կգործի մաքսատուրքերի նոր դրույքաչափ՝ ոչ ԵՏՄ երկրներից ներմուծելու դեպքում։