News
Լրահոս
News
Հինգշաբթի
Հունվար 30
USD
478.58
EUR
526.53
RUB
7.65
ME-USD
0.06
Տեսնել լրահոսը

ՀՀ քննչական կոմիտեի Գեղարքունիքի մարզային քննչական վարչությունում կատարված մեծածավալ քննչական եւ դատավարական այլ գործողությունների արդյունքում պարզվել են Սեւան-Մարտունի ավտոճանապարհին տեղի ունեցած զինված միջադեպի մի շարք հանգամանքներ, մեղադրանք է առաջադրվել Երեւան քաղաքի բնակչի:

Ավելի վաղ տեղեկացրել ենք, որ 2019թ. նոյեմբերի 2-ին հրազենային վիրավորմամբ Գավառի բժշկական կենտրոն բուժօգնության է տեղափոխվել Գեղարքունիքի մարզի բնակիչ Գուրգեն Հակոբյանը՝ ծնված 1979թ., ով հիվանդանոցում գիտակցության չգալով՝ մահացել է:

Դեպքի առթիվ ՀՀ ՔԿ Գեղարքունիքի մարզային քննչական վարչությունում հարուցված քրեական գործով կատարված անհրաժեշտ քննչական եւ դատավարական այլ գործողությունների արդյունքում պարզվել են դեպքի մի շարք հանգամանքներ, ենթադրյալ հանցագործություն կատարած անձանցից մեկի ինքնությունը, ով Երեւան քաղաքի բնակիչ է՝ ծնված 1989թ.:

Քննությամբ ձեռք բերված տվյալների համաձայն՝ 30-ամյա տղամարդը, Նորատուս գյուղի բնակիչ Գուրգեն Հակոբյանին հրազենով սպանելուն օժանդակելու նպատակով,  2019թ. հոկտեմբերի վերջին Երեւան քաղաքի բնակչից վերցրել է «Մերսեդես Բենց E320» մակնիշի ավտոմեքենան՝ այլ անձի վարձույթով տրամադրելու պատրվակով: Այնուհետեւ 2019թ. նոյեմբերի 2-ին նշված մեքենան՝ որպես հանցագործության միջոց, տրամադրել է ենթադրյալ հանցագործություն կատարած անձին: Վերջինս, Գ. Հակոբյանին ապօրինաբար կյանքից զրկելու դիտավորությամբ, Սեւան-Մարտունի ավտոճանապարհի 39,2 կմ հատվածում ապօրինի պահած եւ կրած ինքնաձիգից շատերի կյանքի համար վտանգավոր եղանակով կրակահերթ է արձակել «ՈՒԱԶ» մակնիշի ավտոմեքենայի դիմացի եւ ձախ կողային հատվածի ուղղությամբ, որի հետեւանքով մեքենայի վարորդ Գուրգեն Հակոբյանը ստացել է կյանքի հետ անհամատեղելի հրազենային մարմնական վնասվածքներ, իսկ այդ պահին ավտոմեքենայում գտնվող եւս մեկ անձի՝ ծնված 1962թ., պատճառվել է թեթեւ վնասի հատկանիշներ չպարունակող մարմնական վնասվածք:

Ձեռք բերված բավարար ապացույցների համակցությամբ՝ 30-ամյա տղամարդուն մեղադրանք է առաջադրվել՝ ՀՀ քրեական օրենսգրքի 38-104-րդ հոդվածի 1-ին մասով: Նրա նկատմամբ որպես խափանման միջոց է կիրառվել կալանավորումը:

Նախաքննությունը շարունակվում է: Ձեռնարկվում են անհրաժեշտ միջոցառումներ՝ ենթադրյալ հանցագործություն կատարած մյուս անձի ինքնությունը պարզելու եւ վարույթն իրականացնող մարմնին ներկայացնելու ուղղությամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բաքվում տղամարդը կնոջ գանգը կոտրել է կոշիկի թիով
Ամուսինը դաժանաբար ծեծել է կնոջը...
Սի Ցզինփինը Չինաստանում համաճարակաբանական իրավիճակը լուրջ եւ բարդ է անվանել
«Այս պահի դրությամբ համաճարակի դեմ պայքարի հետ կապված իրավիճակը նախկինի պես մնում է լուրջ եւ բարդ...
Վթարի է ենթարկվել Արարատի մարզի հարկային ծառայության պետին սպասարկող մեքենան
Վերջինս վթարի պահին ավտոմեքենայում չի եղել…
Վայոց ձորի նախկին մարզպետի օգնականի եղբայրը եւս 2 ամիս կմնա կալանքի տակ
Վայոց ձորի նախկին մարզպետի օգնականի եղբոր՝ Զավեն Գրիգորյանի նկատմամբ կիրառված կալանավորման ժամկետը դատավոր Արտակ Թադեւոսյանի կողմից երկարացվեց եւս 2 ամսով…
24-ամյա Էդգարը հետախուզվում էր իշխանության ներկայացուցչի նկատմամբ բռնություն գործադրելու համար. նրան գտել են
Հետախուզվողը բերման ենթարկվեց Իսակովի պողոտայից…
Չինաստանում սկսել են մարդիկ կալանավորել կորոնավիրուսի մասին ֆեյքերի պատճառով
Կորոնավիրուսի մասին ֆեյք նորությունների տարածման համար մարդկանց կալանավորում են...
Ամենաշատ