Եվրամիության եւ Եվրասիական միության միջեւ համագործակցությունն անխուսափելի է, քանի որ առանց համագործակցության անհնար է իրական զարգացման հասնել: Այս մասին հայ-իտալական բիզնես ֆորումի շրջանակում հարցուպատասխանի ժամանակ հայտարարել է ՀՀ վարչապետ Նիկոլ Փաշինյանը:
Նա հավելել է, որ Հայաստանը կցանկանար տեսնել համագործակցություն Լիսաբոնից մինչեւ Վլադիվոստոկ: «Մենք աջակցում ենք այդ գաղափարին եւ այն առաջ կտանենք՝ որոշում գտնելու եւ առաջընթացի հասնելու համար, նույնիսկ իմանալով, որ դա դժվար խնդիր է»,- ասել է նա:
