Մեքսիկայի հարավում Օախակա նահանգի Սան Մարտին Մեքսիկապամ շրջանում հինգշաբթի գազի ցիստեռնի պայթյունն ամբողջությամբ ավերել է հացի փուռը: Մարմնական ծանր վնասվածքներ է ստացել առնվազն 11 մարդ, այդ թվում՝ մեկ երեխա, Milenio պարբերականին հայտնել է քաղաքացիական պաշտպանության ուժերի տարածքային վարչության ղեկավար Էլիոդորո Դիասը:
«Դեպքի վայրը շրջապատվել է, վիրավորներին հիվանդանոցներ եւ մոտակա բուժհաստատություններ են տեղափոխել»,- ասել է նա: Իշխանությունները որոնողափրկարարական աշխատանքներին ներգրավել են 100 մարդու, այդ թվում՝ համայնքային եւ տարածքային ոստիկանության աշխատակիցներին:
Պայթյունի պատճառներն առայժմ չեն հրապարակվում: