News
Լրահոս
News
Հինգշաբթի
Դեկտեմբեր 12
USD
478.02
EUR
529.79
RUB
7.53
ME-USD
0.05
Տեսնել լրահոսը

Գերմանիայի կանցլեր Անգելա Մերկելը չէր մտածում, որ այսքան երկար կմնա իշխանությունում։ Այս մասին նա ասել է Լայպցիգում տեղի ունեցող Քրիստոնեա-դեմոկրատական միության համագումարում, տեղեկացնում է AP-ը։

Նա նշել է, որ 2005 թվականից գործազրկությունը Գերմանիայում հասել է ռեկորդային ցածր մակարդակի, եւ երկրում հաջողվել է հաղթահարել համաշխարհային տնտեսական ճգնաժամը։ Միեւնույն ժամանակ, Մերկելը նշել է, որ աշխարհը բախվում է նոր մարտահրավերների, ինչպիսին են թվային տրանսֆորմացիան եւ պայքարը կլիմայի փոփոխության դեմ, եւ ՔԴՄ-ն պետք է նայի ապագային՝ նոր ճնշումները հաղթահարելով, ինչպիսին են «Ռուսաստանի ագրեսիան» եւ ԱՄՆ-ի հետ առեւտրային վեճերը։ «Մենք պետք է վաղվա օրվա աշխարհի համար լուծումներ գտնենք եւ ապահովենք, որպեսզի ՔԴՄ-ն լինի Գերմանիայի ուժեղ կենտրոնի կուսակցություն», նշել է նա։

Մերկելը նաեւ ընդգծել է, որ Գերմանիան չպետք է բացառի որեւէ ընկերություն 5G բջջային ցանցի ստեղծման պայմանագրերից։

ՔԴՄ-ից որոշ օրենսդիրներ ցանկանում են, որպեսզի Huawei չինական ընկերությունը հանվի հաջորդ սերնդի ցանցի ստեղծման մրցույթներից՝ կիսելով ԱՄՆ մտահոգությունը, թե Չինաստանը ընկերությունը կօգտագործի լրտեսության համար։

!
Այս նյութը հասանելի է նաև   Русский
Տպել