News
Լրահոս
News
Կիրակի
Դեկտեմբեր 08
USD
478.03
EUR
530.47
RUB
7.5
ME-USD
0.06
Տեսնել լրահոսը

ԱՄՆ-ը փորձում է տարհամոզել Եգիպտոսին ռուսական ռազմական ինքնաթիռներ գնելու հարցում եւ սպառնում է պատժամիջոցներ մտցնել, եթե երկիրը չհրաժարվի գործարքից։ Այս մասին ասել է Պետդեպարտամենտի բարձրաստիճան ներկայացուցիչը, տեղեկացնում է «Գոլոս Ամերիկի»-ն։

Աղբյուրի խոսքով, որը չի ցանկացել նշել անունը, Վաշինգտոնը դեռեւս աշխատանք է տանում Եգիպտոսի հետ՝ նրա պաշտպանական կարիքները հոգալու առումով։

«Բայց մենք նաեւ անթաքույց հասկանալ տվեցինք, որ եթե նրանք ձեռք բերեն խոշոր ռուսական պլատֆորմ... դա նրանց պատժամիջոցների սպառնալիքի տակ կդնի»,- ավելացրել է աղբյուրը։

ԱՄՆ-ն արդեն  երկար տարիներ տնտեսական եւ ռազմական օգնություն է ցուցաբերում Եգիպտոսին, որը Վաշինգտոնի վաղեմի դաշնակիցն է եւ օգտագործում է ամերիկյան F-16 կործանիչներ։

Այս տարի Եգիպտոսը Ռուսաստանի հետ պայմանագիր էր ստորագրել 2 մլրդ դոլարի ավելի քան 20 Սու-35 կործանիչ գնելու մասին։

ԱՄՆ-ը կարող է միջոցներ ձեռնարկել Կահիրեի նկատմամբ, Ամերիկայի հակառակորդներին դիմակայելու օրենքին համապատասխան, որը նախատեսում է արձագանքում Ռուսաստանից ռազմատեխնիկա գնելուն։

«Նրանք դա գիտեն, եւ մենք նրանց հետ ուսումնասիրում ենք այդ հարցը,- ասել է Պետդեպարտամենտի ներկայացուցիչը։- Մենք առայժմ մինչեւ վերջ չենք կարգավորել այդ հարցը, բայց նրանք հաստատ հասկանում են, թե ինչ են վտանգում»։

Վաշինգտոնը պնդում է, որ Սու-35-ների եւ ռուսական այլ ռազմական համակարգերի օգտագործումը կարող է սպառնալիքի տակ դնել  երկրի՝ ԱՄՆ-ի ու ՆԱՏՕ մյուս երկրների հետ համատեղ գործողություններ վարելու հնարավորությունը։

!
Այս նյութը հասանելի է նաև   Русский
Տպել
Ամենաշատ