Xiaomi ընկերությունը մտադիր է առաջիկայում թողարկել պտուտակահան: Նորույթը, որը ստացել է Xiaomi Akku Ankuo անունը, կարող է լիցքավորվել սովորական USB լարի միջոցով, գրում է Planet Today-ը:
Ընկերությունում արդեն մեկնարկել է կոլեկտիվ ֆինանսավորման դրամահավաքը: Այդ ծրագրի մասնակիցները կկարողանան ձեռք բերել նորույթը 28 դոլարով, մինչդեռ մանրածախ վաճառքի պարագայում սարքը կարժենա 47 դոլար:
Ըստ առկա տեղեկությունների՝ Xiaomi Akku Ankuo նորույթը կտարբերվի աղմուկի ցածր մակարդակով: Արագության երկու դիապազոն, որոնք նախատեսված են սարքի համար, թույլ կտան կիրառել այն տարբեր բարդության աշխատանքներ կատարելու դեպքում:
Xiaomi Akku Ankuo-ն կսնուցվի ներկառուցված 21700 տեսակի մարտկոցի միջոցով, որն ապահովում է ավտոնոմ աշխատանքի բավականաչափ երկար ռեժիմ: Նորույթի գլխավոր առանձնահատկությունը USB լարով լիցքավորման հնարավորությունն է: Ընդ որում, կարող է կիրառվել համակարգիչ, նոթբուք կամ բջջային մարտկոց: Սարքը իր հետ կունենա նաեւ բիթեր եւ երկարացման լար, որոնք կապահովեն ավելի հարմարավեց աշխատանքը: