Եվրոպական ոստիկանական Եվրոպոլ գործակալության ցանցահենները Բելգիայի Դաշնային ոստիկանության հետ համատեղ հաջող կիբեռհարձակում են իրականացրել «Իսլամական պետության» ահաբեկչական կազմակերպության ինտերնետ-ռեսուրսի այսպես կոչված  Amaq տեղեկատվական գործակալության դեմ։ Այս մասին տեղեկացրել է RTBF հեռուստաալիքը՝ հղում կատարելով բելգիական հատուկ ծառայությունների աղբյուրներին, հաղորդում է ՏԱՍՍ-ը։

Նրա տեղեկատվությամբ՝ գործողությունը, որի պատրաստությունը տեւել է մոտ մեկ տարի, իրականացվել է նոյեմբերի 21-22-ին։ Արդյունքում՝ հաջողվել է արգելափակել մի քանի հազար գրառումներ՝ կապված այդ ռեսուրսի հետ։

Amaq-ի գործունեությունը հաջողվել է կասեցնել նաեւ 2018-ին, բայց ԻՊ-ը կարողացավ մի քանի ամսվա ընթացքում վերականգնել իր տեղեկատվական ռեսուրսի աշխատանքը։

ԻՊ-ի հետ կապված տեղեկատվական կայքերը ԵՄ-ում եւ ԱՄՆ-ում ներառված են փակման ենթակա արգելված ռեսուրսների ցուցակում։