Բուլղարիայից գյուտարար Ռոսեն Խրիստովը մարդանման ռոբոտ է ստեղծել՝ որպես մասեր օգտագործելով սովորական կենցաղային տեխնիկան։ Ռոկկի անունը ստացած ռոբոտի ստեղծման համար պահանջվել է ոչ ավելի քան 2000 բուլղարական լեվ, սակայն արդյունքը բավական տպավորիչ է, հայտնում է Planet- today-ը։
Աչքերի տեղում ֆոտոխցիկի օբյեկտիվներ են, իրանը՝ համակարգչի կորպուս։ Սրա հետ մեկտեղ, ռոբոտին աշխատացնողները շարժման մեջ են դրվում DVD-նվագարկիչի մեխանիկայի միջոցով։ Մի խոսքով, բուլղարացի գյուտարարը գիտի կենցաղային տեխնիկան իր նշանակությամբ չօգտագործելու ձեւը։
Մարդակերպ ռոբոտի զանգվածը կազմում է 50 կգ, իսկ հասակը՝ 170 սմ։ Ինչո՞ւ է ռոբոտին Ռոկկի անվանել։ Որովհետեւ Խրիստովը նախկին պրոֆեսիոնալ ընբիշ է, որը թուլություն ունի իր մասնագիտության ներկայացուցիչների մասին դասական հոլիվուդյան ֆիլմերի հանդեպ։
«Ես ոչ միայն պրոֆեսիոնալ ըմբիշ, այլեւ ինժեներ եմ եղել, եւ ռոբոտների ստեղծմամբ պատահական չէ, որ զբաղվում եմ։ Այսպիսով ես իրականացրել եմ իմ մանկության երազանքը։ Հաջորդ փուլն այնպիսի ռոբոտի ստեղծումն է, որը կարող է լիարժեք իմաստալից զրույց վարել մարդու հետ, ինչպես նաեւ օգնել նրան տնտեսության մեջ»,- պատմում է ինժեները՝ հավելելով, որ ռոբոտները կարող են հուսալի օգնական լինել սահմանափակ կարողություններով մարդկանց համար։
