Երեւանի ընդհանուր իրավասության դատարանն այսօր՝ նոյեմբերի 25-ին, մեկ ամսով երկարաձգել է երկրորդ նախագահ, ՀՀ երկրորդ նախագահ Ռոբերտ Քոչարյանի աջակիցներից Սարգիս Օհանջանյանի կալանքի ժամկետը: Այս մասին NEWS.am-ի հետ զրույցում հայտնեց Սարգիս Օհանջանյանի պաշտպան Վահե Եփրիկյանը։

Նախաքննական մարմնի միջնորդությամբ՝ Սարգիս Օհանջանյանը պետք է կալանքի տակ մնար եւս 2 ամիս, սակայն դատարանը միջնորդությունը բավարարել է մասնակի։

Հիշեցնենք, որ Սարգիս Օհանջանյանը եւ Նարեկ Մութաֆյանը կալանավորվել են այժմ կալանքի տակ գտնվող ՀՀ երկրորդ նախագահ Ռոբերտ Քոչարյանի գործով դատավոր Աննա Դանիբեկյանին փողոցում հարցեր տալուց եւ դա տեսանկարահանելուց հետո: