ԵՄ Խորհուրդը հաստատել է 168,7 մլրդ եվրոյի չափով Եվրամիության բյուջեի նախագիծը, ինչը 1,5%-ով բարձր է 2019-ի բյուջեից: Այս մասին ասվում է ԵՄ Խորհրդի տարածած հայտարարության մեջ, հաղորդում է ՏԱՍՍ-ը:
2020 թվականին բյուջեի եկամուտները պետք է կազմեն 153,6 մլրդ եվրո: «Եթե Եվրախորհրդարանը հաստատի այդ որոշումը, ապա 2020-ի բյուջեն վերջնականապես կընդունվի: 2020-ին ԵՄ բյուջեն կշարունակի աջակցել տնտեսական աճին, եվրոպական տնտեսության մրցունակությանն ու ԵՄ այլ առավելություններին, ներառյալ՝ անվտանգության հարցեր եւ միգրացիայի կառավարում: Բյուջետային ծախսերից 21%-ը հատկացվել է կլիմայի փոփոխությունների դեմ պայքարին, նոր տեխնոլոգիաների ներդրմանը, տրանսպորտային եւ էներգետիկ ենթակառուցվածքների զարգացմանն ու ներքաղաքական նախաձեռնություններին»,- ասվում է փաստաթղթում:
Նոյեմբերի 29-ին բյուջեի հարցերով եվրահանձնակատար Գյունտեր Էտտինգերը հայտնել է, որ ԵՄ-ը մտադիր է հրաժարվել ածխային կամ գազայի գեներացիայի ոլորտում էներգետիկ ծրագրերի ֆինանսավորումից:
