News
Լրահոս
News
Հինգշաբթի
Մարտ 28
Տեսնել լրահոսը

Ռուսական կողմի կասկածները «Սպայկա» ընկերության պանրի հետ կապված՝ չեն հաստատվել։ Այս մասին խորհրդարանի Տարածաշրջանային եւ եվրասիական ինտեգրման մշտական հանձնաժողովի նիստի ընթացքում, նոյեմբերի 25-ին ասաց Պետեկամուտների կոմիտեի նախագահ Դավիթ Անանյանը՝ պատասխանելով «Բարգավաճ Հայաստան» կուսակցության պատգամավոր Միքայել Մելքումյանի հարցին։

Անանյանն ասաց, որ Ռուսաստանի ֆիտոսանիտարական եւ մաքսային մարմինները կասկածներ են ունեցել պանրի ծագման հետ կապված։

«Նախկինում ընկերությունն աշխատում էր լատվիական ծագման պանրի հետ, որը որոշակի տեխնոլոգիական վերամշակումից հետո արտահանվում էր Ռուսաստանի Դաշնություն։ Եվ նախկինում լաբորատոր հետազոտությունները ցույց են տվել ոչ հայկական ծագման խտանյութեր։ Ուստի, ռուսաստանցի գործընկերների մոտ այդպիսի նախնական կարծիք է եղել»,- ասել է ՊԵԿ ղեկավարը՝ ավելացնելով, որ «Սպայկայի» պանրի արտադրության ողջ շղթան հետազոտվել է, ինչից հետո ռուսաստանցի մասնագետներրը նույնպես հրավիրվել են Հայաստան՝ տեխնոլոգիային ծանոթանալու համար։

Նրա խոսքով՝ ռուս գործընկերները անգամ հրավիրվել են արտադրություն, որտեղ շրջել են միասին։

«Մենք հավաստիացրինք մեր գործընկերներին, որ ոչ մի խնդիր չկա։ Հիմա չկա ոչ մի խոչընդոտ, եւ բեռները գնում են»,- տեղեկացրել է Անանյանը։

Հիշեցնենք, որ նոյեմբերի 7-ին ռուսական «Վերին Լարս» անցակետից հետ էին ուղարկել կապույտ բորբոսով պանրի խմբաքանակը։ Ռուսաստանցի մաքսավորները կասկածել են, որ Հայաստանով փորձում են անցկացնել պատժամիջոցների տակ գտնվող եվրոպական արտադրանք։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ինչքան մեզ է պետք եղել ռուս սահմանապահների ներկայությունը ՀՀ-ում, երկու այդքան էլ ՌԴ-ին է պետք եղել. ԱԺ նախագահ
Պետք է ֆիքսել, որ Հայաստանն անկախ պետություն է, պետք է այդ մտքի հետ մերվել, հաշվի նստել…
«Ռոսատոմ»-ը կարող է Հայաստանին 50-1000 ՄՎտ հզորությամբ միջուկային ռեակտորներ առաջարկել. Կիրիլ Կոմարով 
Նրա խոսքով, Հայաստանի իշխանություններն իրենք են որոշելու, թե որ բլոկն ընտրել...
20 ռուսական ընկերություններ ՀՀ-ում մասնակցել են սննդի ոլորտում գործարար առաքելության միջոցառմանը
Երկու երկրների միջև մենք տեսնում ենք համագործակցության մեծ ներուժ, որը կարելի է իրացնել արտադրության ոլորտում կոոպերացիոն շղթաների ստեղծման...
Պեսկով. Բարեկամ Հայաստանի հետ հարաբերություններում բավականին բարդ շրջան ենք ապրում
Պեսկովի խոսքով, «կովկասյան տարածաշրջանը, ցավոք, գրավում է տարբեր արտատարածաշրջանային ուժերի ուշադրությունը...
«Ժողովուրդ». Հայաստանի իշխանությունները չեն գնացել ՌԴ դեսպանատուն, չեն ցավակցել
Իշխանականներից միայն ՀՀ նախագահ Վահագն Խաչատուրյանն ու ՔՊ-ական ռուս պատգամավոր Ալեքսեյ...
Լեւոն Քոչարյան. Ռուսաստանը կարեւոր դեր է խաղում Հարավային Կովկասում իրավիճակի կայունացման հարցում
Մոսկվան կարեւոր է իրավիճակի կայունացման համար...
Ամենաշատ