Սյունիքի նախկին մարզպետ Սուրիկ Խաչատրյանը կարող է բուժումը շարունակել հայրենիքում։ Այս մասին ասել է Հատուկ քննչական ծառայության պետ Սասուն Խաչատրյանը լրագրողների հետ զրույցում։
Նրա խոսքով՝ նշանակվել է դատաբժշկական փորձաքննություն, որի ընթացքում փորձագետը ծանոթացել է Խաչատրյանի փաստաբանի ներկայացրած փաստաթղթերին պաշտպանյալի առողջական վիճակի մասին։ Փորձագետը եկել է եզրակացության, որ Խաչատրյանը կարող է եւ Հայաստանում բուժվել, տեղեկացրել է Սասուն Խաչատրյանը՝ հիշեցնելով, որ Սուրիկ Խաչատրյանի հանդեպ հետախուզում է հայտարարված։
