ԵՄ 17 երկիր վավերացրել է Հայաստան-ԵՄ համաձայնագիրը: Այս մասին համաձայնագրի 2-ամյակին նվիրված ասուլիսի ժամանակ հայտարարել է ՀՀ ԱԳ նախարարի տեղակալ Ավետ Ադոնցը:
Նրա խոսքով՝ 5 երկրներում վավերացման գործընթացն ավարտին է մոտենում:
Ադոնցը համաձայնագիրը նկարագրել է որպես «ճկուն փաստաթուղթ»՝ հավելելով, որ այն դարձել է ԵՄ-ի եւ Հայաստանի միջեւ հարաբերությունների սահմանադրությունը:
Փոխնախարարը նշել է, որ ԵՄ անդամ երկրների հետ հարաբերությունների ընդլայնումը Հայաստանի առաջնահերթություններից մեկն է:
Նա հավելել է, որ համաձայնագրում նշվում է Հելսինկյան ակտի սկզբունքների հիման վրա Ղարաբաղյան հակամարտության խաղաղ եւ կայուն կարգավորման անհրաժեշտությունը:
Նրա խոսքով՝ չկա ԵՄ անդամ երկիր, որտեղ նման գործընթաց չի սկսվել, լինի դա ներկայացուցիչների պալատի կամ սենատի մակարդակով:
