Facebook-ը, Google-ը եւ Amazon-ը կապիտալիզմի նոր տարբերակ կստեղծեն, որը հիմնված կլինի լրտեսության վրա: Նման կարծիք է հայտնել Հարվարդի բիզնես դպրոցի պրոֆեսոր Շոշանա Զուբոֆը, հաղորդում է HughTech+-ը:
Նա ասել է, որ «մենք երկար տարիներ հիացել ենք այն հնարավորություններով, որոնք տրամադրել են ինտերնետ ընկերությունները»: Սակայն օգտատերերի անձնական տվյալների արտահոսքի եւ կեղծ նորությունների տարածման հետ կապված սկանդալից հետո շատերը սկսել են գիտակցել, որ այդ հնարավորությունների համար պետք է մեծ գին վճարել:
Նա վստահ է, որ Facebook-ը, Google-ը եւ Amazon-ը ոչ միայն պարզապես հավաքում են մեր տվյալները, այլ կապիտալիզմի նոր տարբերակ են ստեղծում, որը նա անվանել է լրտեսական կապիտալիզմ:
Նրա խոսքով՝ այդ գաղափարախոսությունն ուղղակիորեն սպառնում է ժողովրդավարությանը:
«Վատագույն դեպքում մարդկությանը սպասվում է ժամանակակից Չինաստանը հիշեցնող հանրություն, որտեղ հսկում են յուրաքանչյուրին: Այն քչերը, որոնք հրաժարվում են իրենց տվյալներով կիսվել ընկերությունների հետ, պարզապես կզրկվեն կարեւորագույն ծառայություններից»,- ասել է Զուբոֆը:
Խնդիրն այն է, որ «լրտես կապիտալիմը» նման չէ ազատ շուկայական կապիտալիզմին, որին աջակցում է հետազոտողը: Բացի այդ, մի քանի կորպորացիաների գերակայությունը միայն սահմանափակում է նորարարությունների զարգացումը:
Զուբոֆը վատատեսորեն է գնահատել ինքնակարգավորման նկատմամբ տեխնոլոգիական հսկաների կարողությունը: Նա կարծիք է հայտնել, որ «լրտես կապիտալիմի» դեմ պայքարի համար անհրաժեշտ է ավելի կոշտ օրենսդրական բազա կիրառել: Օրինակ, առանց տեղեկացնելու մարդու մասին տեղեկատվության հավաքումը պետք է արգելվի: