Bentley ընկերության Mulliner բաժանմունքն աշխատում է էքսկլյուզիվ ավտոմեքենայի ստեղծման վրա: Ինսայդերները վստահ են՝ դա կլինի բաց կոկպիտով գրանդ-տուրեր, EXP 100 GT կոնցեպտի մոտիվներով եւ հագեցած W12 շարժիչով, գրում է Motor-ը:
Autocar պարբերականի տվյալներով՝ «բարկետան» կթողարկվի գերփոքր քանակով՝ մոտ 12 օրինակ, եւ կարժենա 1,5 մլն ֆունտ սթեռլինգ: Արտաքնապես գրանդ-տուրերը հիշեցնում է EXP 100 GT կոնցեպտը, որը ներկայացվել է բրենդի 100-ամյա հոբելյանի շրջանակում:
Գնի եւ քանակի պատճառով էքսկլյուզիվ Bentley-ն հիմնական գծից առանձնացված կլինի, սակայն տեխնիկապես կհիշեցնի նույն Continental GT-ն: Ծալովի կափարիչի տակ կտեղադրվի 6,0 լիտրանոց W12 շարժիչ, կուպեում բիտուրբոշարժիչը ապահովում է 635 ձիաուժ եւ 900 Նմ: Հավանաբար, կլինի լրիվ շարժակ:
Ինչ վերաբերում է ոգեշնչման աղբյուրին՝ EXP 100 GT-ին, այն չափազանց հեղափոխական է, որպեսզի նման տեսքով մտնի շարքի մեջ: Չնայած որոշ լուծումներ կարելի տեսնել ապագա ավտոմեքենաներում: Օրինակ վիրտուալ օգնականը՝ Bentley Personal Assistant, որը կարող է սալոնի ներսում ստեղծել բաց տանիքով ուղեւորության զգացողություն կամ սալոնի լուսավորման եզակի համակարգ:
