ՀԱՊԿ երկրների ղեկավարները Բիշքեկում գագաթաժողովի ժամանակ 15 փաստաթուղթ են ստորագրել, ՌԻԱ Նովոստի-ին հայտնել են Ղրղզստանի մամուլի ծառայությունում:
«ՀԱՊԿ հերթական նստաշրջանի արդյունքներով, որը տեղի է ունեցել այսօր՝ Նոյեմբերի 28-ին, Ղրղզստանի Հանրապետության նախագահությամբ, ստորագրվել է 15 փաստաթուղթ»,- ասվում է հաղորդագրության մեջ:
Ղրղզստանի նախագահի աշխատակազմի տվյալներով՝ կողմերը համաձայնության են հասաել միջազգային փոխգործակցության եւ համագործակցության կատարելագործման մասին՝ գլոբալ եւ տարածաշրջանային անվտանգության ամրապնդման նպատակով, ինչպես նաեւ ամրագրել են Հայրենական մեծ պատերազմում 75-ամյա Հաղթանակի պատվին միջոցառումների ծրագիրն ու համաձայնեցրել տաջիկա-աֆղանական սահմանին լարվածության նվազեցմանն ուղղված հավելյալ միջոցները:
Բիշքեկում կայացած ՀԱՊԿ ՀԱԽ նստաշրջանին մասնակցել են Ղրղզստանի նախագահ Սոորոնբայ Ժեենբեկովը, Բելառուսի նախագահ Ալեքսանդր Լուկաշենկոն, Ղազախստանի նախագահ Քասըմ-Ժոմարտ Տոկաեւը, Ռուսաստանի նախագահ Վլադիմիր Պուտինը, Տաջիկստանի նախագահ Էմոմալի Ռահմոնը, Հայաստանի վարչապետ Նիկոլ Փաշինյանն ու ՀԱՊԿ գլխավոր քարտուղարի ժամանակավոր պաշտոնակատար Վալերի Սեմերիկովը:
