Իրաքի անվտանգության ուժերը գնդակահարել են 28 ցուցարարի, տեղեկացնում է Reuters գործակալությունը՝ հղում կատարելով առողջապահության ոլորտին։

Առնվազն 24 մարդ զոհվել է Էն Նասիրիայի ցույցերի ընթացքում, երբ զորքերը կրակ են բացել ցուցարարների դեմ։

Համաձայն առողջապահության ոլորտի աղբյուրների՝ տասնյակ մարդիկ վիրավորվել են։

Եվս չորս մարդ սպանվել է Բաղդադում, երբ Իրաքի ԶՈւ-ն կրակ է բացել ցուցարարների դեմ Տիգրիս գետի կամրջին մոտ։

Անկարգությունների դադարեցման նպատակով իշխանությունները ձեւավորել են միավորված ռազմաքաղաքացիական «ճգնաժամային օղակներ», իսկ զինվորական կազմավորումների հրամանատարը խոստացել է ուժ կիրառել՝ շիաների վրա ցանկացած հարձակում դադարեցնելու նպատակով։

Ավելի վաղ հայտնի էր դարձել այն մասին, որ Իրաքի իշխանություններն ուժեղացնում են անվտանգության միջոցները երկրի հարավային նահանգներում Էն Նաջաֆում Իրանի դեսպանության գրոհից եւ հրդեհումից հետո, որտեղ պարետային ժամ էր մտցվել։