News
Լրահոս
News
Չորեքշաբթի
Նոյեմբեր 25
USD
512.31
EUR
608.83
RUB
6.75
ME-USD
0.01
Տեսնել լրահոսը

Անկախ ԶԼՄ-ներն ու քաղաքացիական հասարակությունն իշխանության համար կարեւոր հակակշիռ են: Այս մասին նոյեմբերի 29-ին «Քաղաքացիական հասարակության հնարավորությունների եւ իրավունքների ընդլայնման միջոցով դրական փոփոխությունները» ծրագրի փակման ժամանակ հայտարարել է Հայաստանում ԵՄ պատվիրակության ղեկավար Անդրեա Վիկտորինը:

Նրա խոսքով՝ քաղաքացիական հասարակության հետ աշխատանքը Եվրամիության քաղաքականության առաջնահերթություններից մեկն է, որպեսզի այն կարողանա ադեկվատ արձագանքել պրոցեսներին:

«Միշտ հեշտ է քննադատել եւ դժվար է մշակել զարգացման համատեղ ռազմավարություն, ձեւավորել սպասվելիք արդյունքը, ինչը շատ կարեւոր է ակտիվ ժողովրդավարական հասարակության համար: Անկախ ԶԼՄ-ների եւ քաղաքացիական հասարակության աշխատանքը շատ կարեւոր է նաեւ իշխանությունների համար, քանի որ նրանք կարող են օգնել պարզելու խնդիրները, որոնք կարող էին բաց թողնել լիազորված մարմինները»,- պարզաբանել է նա:

Վիկտորինը նկատել է, որ հաճախ դժվար է իշխանություններին հասկացնել տվյալ ինստիտուտների կարեւորության մակարդակը, սակայն Հայաստանում անհրաժեշտ կապերի հաստատման դրական դինամիկա է նկատվում:

Նրա խոսքով՝ դժվար է աշխատել այն իշխանությունների հետ, որոնք ձգտում են ժողովրդավարության եւ կոռուպցիայի դեմ պայքարի, քանի որ տվյալ դեպքում պետք է ոչ թե պարզապես քննադատել, այլ խնդիրների լուծման տարբերակներ առաջարկել:

Նա գոհունակություն է հայտնել անցած տարի Հայաստանում տեղի ունեցած ընտրական գործընթացների վերաբերյալ եւ հավելել է, որ քաղաքացիական հասարակությունն իր ներդրումն է ունեցել այդ ինստիտուտի կայացման գործում:

«Քաղաքացիական հասարակությունը մշտապես ձգտում է օպերատիվ արդյունքների, սակայն անհրաժեշտ է ամեն ինչ օբյեկտիվորեն գնահատել, անհրաժեշտ է զարգացման ռազմավարություն մշակել ուշադիր եւ մտածված»,- եզրափակել է Վիկտորինը:  

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եվրոպայում ԱՄՆ-ի հետ հարաբերությունների «վերբեռնման» հույս ունեն
«Ջո Բայդենը հստակ հասկացրել է, որ ցանկանում է վերականգնել անդրատլանտյան հարաբերությունները, եւ դա անհրաժեշտություն է»,-ասել է Մաասը...
Բայդենը կողմ է հանդես եկել հարաբերությունների ակտիվացմանը ԵՄ-ի հետ
ԱՄՆ նորընտիր նախագահ Ջո Բայդենը Եվրահանձնաժողովի նախագահ Ուրսուլա ֆոն դեր Լյայենի հետ քննարկել է Բելառուսը եւ Ուկրաինան..
Եվրամիությունը Բելառուսի դեմ պատժամիջոցներ է նախապատրաստում
ԵՄ արտաքին գործերի նախարարները պայմանավորվել են Բելառուսի դեմ պատժամիջոցների նոր փուլի մասին...
ԵՄ-ը ռազմական ռազմավարության մասին փաստաթուղթ է մշակում, որպեսզի սահմանի ապագա սպառնալիքները
Նշվում է, որ փաստաթղթում չի լինի սպառնալիքների ցուցակը մասամբ այն պատճառով, որ ԵՄ կառավարությունը տարբեր կերպ է գնահատում դրանց լրջությունը...
Եվրահանձնաժողովի ղեկավարը հայտարարել է, որ ԵՄ-ում միգրացիայի վերահսկման համակարգերն այլեւս չեն գործում
Եվրահանձնաժողովն առաջարկել է միգրանտների ընդունման տեղակայման եւ հայրենադարձության համար պատասխանատվությունն ընդհանուր եվրոպական խնդիր դարձնել...
ԵՄ-ն կոչ է անում օտարերկրյա գրոհայիններին արագ դուրս բերել Լեռնային Ղարաբաղի հակամարտության շրջանից
ԵՄ-ն տարածաշրջանային բոլոր դերակատարներին կոչ է անում զերծ մնալ ցանկացած գործողությունից կամ հռետորաբանությունից, որոնք կարող են սպառնալ զինադադարին․․․