ԱՄՆ նախագահ Դոնալդ Թրամփը խիստ զայրացել է Ֆրանսիայի նախագահ Էմանուել Մակրոնի բառերից ՆԱՏՕ «ուղեղի մահվան» մասին, տեղեկացնում է ՏԱՍՍ-ը՝ https://tass.ru/ հղում կատարելով Axios-ին։
«Նա (Թրամփը) զայրացած է Մակրոնի վրա արդեն երկար ժամանակ»,- պորտալը մեջբերում է Վաշինգտոնի վարչակազմում ունեցած աղբյուրին։ Axios-ի մեկ այլ աղբյուր կարծում է, որ Ֆրանսիայի նախագահի ասածները կարող են պարադոքսալ էֆեկտ ունենալ եւ հանգեցնել այն բանին, որ Թրամփը ավելի դրական սկսի խոսել ՆԱՏՕ-ի մասին նրա գագաթաժողովում, որը տեղի կունենա Լոնդոնում դեկտեմբերի 3-4-ին։
ՆԱՏՕ-ում պորտալի աղբյուրների տվյալներով՝ դաշինքի անդամները «համառորեն աշխատել են դրական օրակարգի ստեղծման վրա»։ Դրանում տեղ են գտել «եվրոպական դաշնակիցների պաշտպանական ծախսերի ավելացումը 130 մլրդ դոլարով՝ 2016-ից ի վեր, ԱՄՆ բաժնի նվազեցումը ՆԱՏՕ բյուջեում»։ Axios-ի աղբյուրները կարծում են, որ հաջորդ տարի ընտրությունների հետ կապված՝ Թրամփը «կցանկանա այս ամենն իբրեւ իր վաստակ ներկայացնել»։ Միեւնույն ժամանակ, «դաշնակիցները նախկինի պես մտահոգ են ԱՄՆ նախագահի անկանխատեսելիության առիթով»։