Ռուսաստանի նախագահ Վլադիմիր Պուտինը եւ Չինաստանի ղեկավար Սի Ցզինփինը տվել են «Սիբիրի ուժը» խողովակաշարով գազի մատակարարման մեկնարկը, հաղորդում է Փրայմ-ը:
Խողովակաշարը նախատեսված է Իրկուտսկի եւ Յակուտսկի գազարդյունահանման կենտրոններից Հեռավոր արեւելքի եւ Չինաստանի ռուս սպառողներին գազի մատակարարման համար:
Այն գործարկվել է այսօր՝ դեկտեմբերի 2-ին: Բացվել է մոտ 2200 կմ երկարությամբ հատվածը՝ Յակուտիայի Չայադինյան հանքավայրից մինչեւ Չինաստանի հետ սահման՝ Բլագովեշչենսկ: Երկրորդ փուլում կգործարկվի մոտ 800 կմ երկարությամբ հատվածը՝ Կովիկտինի հանքավայրից մինչեւ Չայադինյան հանքավայր: Այդպիսով, «Սիբիրի ուժի» ընդհանուր երկարությունը կկազմի մոտ 3000 կմ:
Գազատարի կառուցումը տեւել է ավելի քան 5 տարի, արժեքը գնահատվում է 1,1 տրիլիոն ռուբլի:
Հեռուստակամրջի ընթացքում Պուտինը հայտարարել է, որ «Սիբիրի ուժը» խողովակաշարի բացումը նոր մակարդակի վրա է դնում էներգետիկայի ոլորտում ՌԴ-Չինաստան համագործակցությունը:
Իր հերթին, Սի Ցզինփինը հայտարարել է, որ Պեկինն անհրաժեշտ է համարում «Սիբիրի ուժի» անվտանգության եւ էկոլոգիականության ապահովումը:
«Գազպրոմը» եւ չինական CNPC ընկերությունը 2014-ի մայիսին արեւելյան երթուղով դեպի Չինաստան ռուսական գազի մատակարարումների մասին պայմանագիր են կնքել: Այն կնքվել է 30 տարի առաջ եւ ենթադրում է «Սիբիրի ուժ» խողովակաշարով դեպի Չինաստան 38 մլրդ խ/մ ռուսական գազի ամենամյա մատակարարում: «Գազպրոմը» մտադիր է մատակարարումները սկսել դեկտեմբերին: