Գործարարների կողմից իրենց բիզնեսը Վրաստան տանելու մասին խոսակցություններ շատ են գնում, բայց դրա մեջ ոչ մի վատ բան չկա, քանի որ այդկերպ հայ գործարարներն ընդլայնում են իրենց բիզնեսը: Այս մասին NEWS.am-ի թղթակցի հետ զրույցում ասել է ՓՄՁ ԶԱԿ-ի տնօրեն Կարեն Գեւորգյանը:
«Ոչ մի վատ բան չկա, որ գործարարն աշխատում է ու միեւնույն ժամանակ գործ է սկսում հարեւան երկրում: Դա նշանակում է, որ գործարարներն ընդլայնում են իրենց բիզնեսը: Այլ խնդիր է, երբ այստեղ իրենց բիզեսը փակում ու գնում են Վրաստանում են բացում: Բայց սա էլ անհանգստացնող չէ, քանի որ այն չնչին տոկոս է կազմում»,- ասել է նա:
Կարեն Գեւորգյանը հայտարարել է, որ ՓՄՁ ոլորտում խնդիրներ շատ կան: «Ձեռնարկատերն ունի արտահանման խնդիր, պետք ապահովվի գործարար միջավայրի բարելավում եւ պետք է նվազագույնի հասցվի վարչական ու տնտեսական բեռը»,- ամփոփել է նա: