Հայաստանի երկրորդ նախագահ Ռոբերտ Քոչարյանի փաստաբանները քննարկման համար կարճ ընդմիջում խնդրեցին:
Նիստի ժամանակ փաստաբան Հայկ Ալումյանը հայտնեց, որ իրենց հայտնի է դարձել դատավոր Աննա Դանիբեկյանի առաջիկա արձակուրդի մասին: Եթե դա այդպես է, ապա փաստաբանները խնդրում են մինչեւ արձակուրդը եւս մեկ նիստ նշանակել՝ քրեական հետապնդումը դադարեցնելու մասին միջնորդություն ներկայացնելու համար:
Դատավորը հաստատեց դեկտեմբերի 10-ից մինչեւ 30-ը նախատեսված արձակուրդի մասին տեղեկությունը եւ առաջարկեց ժամանակ հատկացնել այսօրվա ընթացքում միջնորդությունը նախապատրաստելու համար: Հայկ Ալումյանը նշեց, որ փաստաբանները պատրաստ չէին այդպիսի առաջարկի եւ ժամանակ խնդրեց խորհրդակցելու համար: Դատավորը հայտարարեց 15-րոպեանոց ընդմիջում:
Հատկանշական է, որ լրացուցիչ նիստ անցկացնելու առաջարկի դեմ հանդես եկան փաստաբաններին դատավարությունը ձգձգելու մեջ մշտապես դատապարտող դատախազներն ու տուժողները: