Իրանի իշխանությունները կալանավորել են անձանց խումբ, որոնք ծրագրել էին այս շաբաթ անկարգություններ հրահրել համալսարաններում, ասվում է Իրանի տեղեկատվության նախարարության (երկրի հատուկ ծառայության) կայքում, տեղեկացնում է ՌԻԱ «Նովոստի»-ն։
Ինչպես տեղեկացնում է նախարարությունը, «հակահեղափոխական» խմբավորումներից մեկի անդամները ծրագրում էին անկարգություններ հրահրել դեկտեմբերի 7-ին Իրանի ուսանողների օրը, Թեհրանի եւ այլ քաղաքների մի շարք համալսարաններում։
Բողոքների ժամանակ, որոնք տեղի ունեցան Իրանում բենզինի գնի բարձրացման հետ կապված, նրանք իրենց առջեւ նպատակ էին դրել ուսանողներին փողոց դուրս բերել։
Իրանում նոյեմբերի կեսին տեղի ունեցան բողոքներ իշխանությունների՝ բենզինի գինը թանկացնելու որոշման հետ կապված։ Դրանց մի մասը խաղաղ էր, իսկ մի մասը վերաճեց զինված անկարգությունների՝ գույքի վնասմամբ, բանկերի հրդեհմամբ, ինչպես նաեւ եղան զոհեր ու տուժածներ թե՛ մասնակիցների, թե՛ իրավապահների շարքերից։
Երկրի նախագահ Հասան Ռոհանին ասաց, որ անկարգությունները կազմակերպել էին ԱՄՆ-ը եւ Իսրայելը, իսկ դրանց նպատակը Իրանի անվտանգության խափանումն էր։
