Ֆրանսիայի նախագահ Էմանուել Մակրոնը չի պատրաստվում հրաժարվել «ՆԱՏՕ-ի ուղեղի մահվան» մասին իր խոսքերից եւ համարում է, որ դաշինքի ռազմավարության մեջ անհրաժեշտ է պարզություն մտցնել։ Այս մասին նա հայտարարել է երեքշաբթի օրը ՆԱՏՕ-ի գագաթաժողովի շրջանակներում ԱՄՆ նախագահ Դոնալդ Թրամփի հետ հանդիպման ժամանակ, հայտնում է ՏԱՍՍ-ը։
«Ես հաստատում եմ այդ խոսքերը»,-նշել է նա՝ խոստովանելով, որ դրանք լայն արձագանք են ստացել համաշխարհային հանրության շրջանում։
Ավելի վաղ ՆԱՏՕ-ի գլխավոր քարտուղար Յենս Սթոլթենբերգի հետ հանդիպման ժամանակ Թրամփը Մակրոնի արտահայտությունը դաշինքի պետություններից շատերի համար «վիրավորական» էր անվանել։
Նոյեմբերի սկզբին «Էկոնոմիստ» ամսագրին տված հարցազրույցում Մակրոնն աել էր, թե ՆԱՏՕ-ն ամբողջովին կորցրել է հավասարակշռությունը դաշինքի ներսում, ինչը կարող է բնութագրվել որպես «ուղեղի մահ»։
