Հայաստան-ԵՄ Գործողության ծրագրով նախատեսված բյուջետային աջակցության ծրագրով Հայաստանն ակնկալում է ստանալ 7,6 մլրդ դրամ կամ 14,5 մլն եվրո: Այս մասին նշված է 2020 թվականի պետական բյուջեի նախագծում:

Ընդ որում՝ թիրախային դրամաշնորհային ծրագրերի գծով ակնկալվում է ստանալ 55,1 մլն դոլար կամ 26,2 մլրդ դրամ: Դրանից Ռուսաստանի Դաշնությունից կստացվի 10,7 մլն դոլար կամ 5,1 մլրդ դրամ:

ԵՄ-ից ակնկալվում է ստանալ 13,1 մլն դոլար կամ 6,2 մլրդ դրամ դրամաշնորհ:

Դրա հետ մեկտեղ, դրամաշնորհային ծրագրերի շրջանակում KFW-ից ակնկալվում է ստանալ 7,1 մլն դոլար կամ 3,3 մլրդ դրամ, Գլոբալ հիմնադրամից՝ 2,4 մլն դոլար կամ 1,2 մլրդ դրամ, Վերակառուցման եւ զարգացման եվրոպական բանկից՝ 8,1 մլն դոլար կամ 3,8 մլրդ դրամ, Եվրոպական ներդրումային բանկից «Հյուսիս-Հարավ» տրանսպորտային միջանցքի ծրագրի իրականացման համար (տրանշ-3)՝ 1,9 մլն դոլար կամ 0,9 մլրդ դրամ, Համաշխարհային բանկից՝ 2,8 մլն դոլար կամ 1,3 մլրդ դրամ եւ եւս 9 մլն դոլար կամ 4,4 մլրդ դրամ է ակնկալվում այլ դոնորներից:

Ընդ որում՝ այլ եկամուևտների գծով Հայաստանը 2020 թվականին նախատեսում է ստանալ 61,7 մլրդ դրամ, որից 30,6 մլրդ դրամ արտաբյուջետային ծրագրերից՝ ընդդեմ 2019-ի 55,1 մլրդ դրամի եւ 2018-ի 72,4 մլրդ դրամի: