News
Լրահոս
News
Երկուշաբթի
Հունվար 20
USD
479.61
EUR
533.71
RUB
7.81
ME-USD
0.05
Տեսնել լրահոսը

«Մեկ Հայաստան» կուսակցությունն իր մտահոգությունն է հայտնում երեկ Բրատիսլավայում Հայաստանի Հանրապետության եւ Ադրբեջանի Հանրապետության արտաքին գործերի նախարարների հանդիպմանն ընդառաջ Ադրբեջանի Հանրապետության արտաքին գործերի նախարարության կողմից հրապարակված վերջնագիր-հայտարարության կապակցությամբ:

Կուսակցության հայտարարությունում նաեւ ասվում է.

«Ադրբեջանի կողմից ԵԱՀԿ շրջանակներում հրապարակված վերջնագիր-հայտարարության կապակցությամբ ՀՀ իշխանությունների արձագանքը կամ դրա բացակայությունը համարում ենք ոչ համարժեք եւ որակում որպես հանցավոր անգործություն:

«Մեկ Հայաստան» կուսակցությունը բազմիցս հայտարարել է Հայաստանի նոր իշխանությունների Արցախյան հիմնախնդրի հետ կապված հստակ եւ աներկբա դիրքորոշման եւ տեսլականի բացակայության վտանգավորության մասին:

Գտնում ենք, որ նշված փաստաթղթի ի հայտ գալու պատճառներն ու հիմքերը մեծապես նաեւ պայմանավորված են ՀՀ իշխանությունների Արցախյան հակամարտության անթույլատրելի եւ անհասկանալի բանակցային դիրքավորմամբ:

Ստեղծված իրավիճակում կարծում ենք, որ ԵԱՀԿ Մինսկի խմբի համանախագահները պետք է իրենց դիրքորոշումը հայտնեն Ադրբեջանի ապակառուցողական վարքագծի առնչությամբ:

Ի պատասխան Ադրբեջանի ամբարտավան եւ ցինիկ վարքագծին, ՀՀ իշխանություններից պահանջում ենք.

Անհապաղ

1.            Քաղաքական խորհրդակցություններ սկսել Հայաստանի եւ Արցախի խորհրդարանական եւ արտախորհրդարանական քաղաքական ուժերի հետ` ստեղծված իրավիճակում ազգային համաձայնության օրակարգ ձեւավորելու եւ միասնաբար դրա կենսագործմանը հետամուտ լինելու նպատակով:

2.            ՀՀ Ազգային ժողով ներկայացնել «Արցախի Հանրապետությունը պաշտոնապես ճանաչելու մասին» ՀՀ օրենքի նախագիծ,

3.            ՀՀ արտաքին գործերի նախարարություն հրավիրել ԵԱՀԿ Մինսկի խմբի համանախագահ պետությունների Հայաստանում հավատարմագրված դեսպաններին` նրանց ներկայացնելով Արցախի Հանրապետությունը ճանաչելու վերաբերյալ ՀՀ կառավարության քաղաքական որոշման հիմքերն ու պատճառները:

Նշված գործողությունները կատարելու պարագայում «Մեկ Հայաստան» կուսակցությունը հայտնում է իր պատրաստակամությունը մի կողմ դնել քաղաքական բոլոր տարաձայնությունները եւ իր ուժերի ներածին չափով օժանդակել եւ զորավիգ լինել ՀՀ գործող իշխանություններին:

Արցախի անվտանգությունն ու հակամարտության հայանպաստ լուծումը համարում ենք մեկ եւ միասնական Հայաստանի օրակարգ, որի շուրջ ակնկալում ենք համահայկական եւ համընդհանուր մոտեցում եւ կոնսոլիդացիա»:

!
Այս նյութը հասանելի է նաև   English
Տպել
Կարդացեք նաև
Ամբողջը
Ղարաբաղյան կարգավորման քայլերի իրականացման հարցում շարժ կա. ՌԴ ԱԳՆ
Որոշակի շարժ ղարաբաղյան հակամարտության կարգավորման հարցում...
Հայաստանում երկրաշարժի ժամանակ ադրբեջանցիները մեզ շնորհավորում էին. նախկին բաքվեցի
Ադրբեջանցիները մեզ շնորհավորում էին երկրաշարժի առիթով, ասում է բաքվեցի կինը...
Բաքվում հայերի ջարդի կազմակերպման գործում մեծ է Հեյդար Ալիեւի դերը. փորձագետ
Ստոլյարովն իր գրքում բերում է Ալիեւի խոսքն այն մասին, որ չպետք է արյունից վախենալ, եւ այն որքան շատ լինի, այնքան լավ կլինի…
ՀՀ ԱԳՆ արձագանքը՝ ՀՀ և Ադրբեջանի ԱԳ նախարարների հանդիպման մասին Մամեդյարովի հայտարարությանը
ՀՀ ԱԳՆ-ն յուրաքանչյուր հանդիպման մասին տեղեկացնում է ընդունված կարգով՝ ԵԱՀԿ Մինսկի խմբի համանախագահների միջոցով բոլոր մանրամասների համաձայնեցումից հետո...
«Ֆրանսիա-Արցախ» բարեկամության շրջանակի հաղորդագրությունը՝ Բաքվի ջարդերի 30-ամյա տարելիցի կապակցությամբ
Անկախությունը արցախցիների կյանքի իրավունքի միակ երաշխիքն է...
«Մենք չենք խուսափում»․ Զոհրաբ Մնացականյանը՝ Ադրբեջանի ԱԳ նախարարի հետ հանդիպման մասին
Ինձ համար չափազանց զգայուն է եւ վատ եմ ընդունում այս իրավիճակը․․․