News
Լրահոս
News
Շաբաթ
Հունվար 18
USD
479.61
EUR
533.71
RUB
7.81
ME-USD
0.06
Տեսնել լրահոսը

Հայաստանում ճանապարհային երթեւեկության կանոնները խախտող վարորդների համար սահմանվելու է բալային համակարգ: Այս մասին դեկտեմբերի 6-ին ԱԺ նիստում Վարչական իրավախախտումների մասին օրենսգրքում եւ կից օրենքներում փոփոխություններ կատարելու մասին օրինագծերի փաթեթի քննարկման ժամանակ ասաց փոխոստիկանապետ Վարդան Մովսիսյանը: Նա մասնավորապես պարզաբանեց, որ ճանապարհային երթեւեկության կանոնների խախտման համար տուգանքների չափի մեծացումն այլեւս չի նպաստում ճանապարհային պատահարների նվազեցմանը: Խոսելով կոնկրետ փոփոխությունների մասին՝ փոխոստիկանապետը նշեց, որ վարորդներին մեկ տարվա համար տրամադրվելու է 9 բալ: Խախտում գրանցելու դեպքում այս 9 բալից ավտոմատ հանվում են տուգանային միավորները:

Նշենք, որ խոսքը 0,5, 1, 2, 3, 4 բալային խախտումների մասին է: Եթե մեկ տարվա ընթացքում այս 9 բալը սպառվի, ապա վարորդը 6 ամսով վարորդական իրավունքից կզրկվի: Այս ժամկետը լրանալուց հետո իրավունքը կրկին կվերականգնվի, ինչպես նաեւ կտրամադրվի նոր 9 բալ: Եթե վարորդը երկրորդ անգամ օգտագործի իր 9 բալերը, ապա այս անգամ վարորդական իրավունքից կզրկվի մեկ տարով: Այն կարող է վերականգնվել տեսական եւ գործնական քննություն հանձնելուց հետո: Միաժամանակ, 6 ամսով վարորդական իրավունքից զրկվածները հնարավորություն ունեն վաղաժամյկետ իրավունքը վերադարձնել մեքենա վարելու տեսությունից քննություն հանձնելու միջոցով, բայց ոչ ավելի վաղ, քանի իրավունքից զրկվելուց հետո 3 ամիս լրանալուց հետո: Այն դեպքում, եթե վարորդի հաշվեկշռում մնացել է 3-4 բալ, նա մեկ անգամ իրավունք ունի 2 բալ վերադարձնել՝ տեսական քննություն հանձնելով:

Դրա հետ մեկտեղ Մովսիսյանը նշեց, որ իրավախախտումների որոշ տեսակներ քրեականացվել են: Ըստ այդմ՝ մեքենան այն անձի կողմից վարելու դեպքում, ում վարելու իրավունքը կասեցվել է, նախատեսված է քրեական պատասխանատվություն՝ 200-300 հազար դրամի տուգանք, կամ մինչեւ 2 ամիս ժամկետով կալանք՝ մեկ տարի ժամկետով որոշակի կարգի գործունեություն վարելու արգելքով: Իսկ մեքենան ոչ սթափ անձի կողմից վարելու դեպքում, ում վարելու իրավունքը կասեցված էր, նախատեսվում է քրեական պատասխանատվություն սահմանել 300-500 հազար դրամի տուգանք, կամ մինչեւ 6 ամսով կալանք՝ 2 տարով որոշակի կարգի գործունեություն վարելու արգելքով: Ընդ որում՝ վարորդական իրավունքից զրկված անձի կողմից մեքենա վարելու դեպքում նրան սպառնում է 200-300 հազար դրամի տուգանք, կամ մինչեւ 2 տարի ժամկետով կալանք: Միաժամանակ հանդիպակաց ուղեմաս դուրս գալու դեպքում իրավախախտից կհանվի 3 բալ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լեհ ագարակատիրոջը կերել են սեփական խոզերը
Ոստիկանության կարծիքով՝ լեհ ագարակատիրոջը կերել են սեփական խոզերը...
Հայտնաբերվել է 30-40 պարկուճ և գնդակ․ Կուտոյանի մահվան դեպքով հարուցվել է քրգործ ինքնասպանության հասցնելու հոդվածով
Դեպքի վայրում հայտնաբերվել է Գերոգի Կուտոյանի դին հրազենային վնասվածքով․․․
Սերժ Սարգսյանը ցավակցություն է հայտնել Գեորգի Կուտոյանի ողբերգական մահվան կապակցությամբ
Խորին ցավակցություն եմ հայտնում Գեորգի Կուտոյանի ընտանիքին, հարազատներին, մերձավորներին, նրանց համար այս ծանր պահին` կիսում մեծ...
«Գեորգի Կուտոյանը մեր հարեւանն էր, համեստ մարդ էր երեւում, զուսպ ու համեստ ընտանիք ուներ». Զարուհի Բաթոյան
Աշխատանքի եւ սոցիալական հարցերի նախարար...
Դեպքի վայրից տեղափոխեցին Գեորգի Կուտոյանի դին
Երեւան քաղաքի Պարույր Սեւակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով...
ՊԵԿ-ը կանխել է ավելի քան 5 կգ «մեթամֆետամին»-ի տեղափոխման հերթական փորձը. Գտել են «Կարգո» բեռնային համալիրում
Իրանի քաղաքացի Ս.Ղ-ի անունից Հայաստանից Ճապոնիա արտահանվող միջազգային սուրհանդակային առաքանիում…
Ամենաշատ