News
Լրահոս
News
Չորեքշաբթի
Հունվար 22
USD
478.9
EUR
531.24
RUB
7.73
ME-USD
0.05
Տեսնել լրահոսը

Ապօրինի շինարարությունն այ այսպես է լինում. մայթը զավթել եւ փակել նույնիսկ հետիոտնային անցումը: Այս մասին Facebook-ի իր էջում գրել է Երեւանի ավագանու «Լույս» խմբակցության անդամ Թեհմինա Վարդանյանը, ով նաեւ լուսանկարներ է հրապարակել:

Նա, մասնավորապես, նշել է.

«Ավան վարչական շրջան, մեր օրեր. Խուդյակով 188/2-ի հարեւանությամբ։

Ապօրինի շինարարությունն այ այսպես է լինում. մայթը զավթել եւ փակել նույնիսկ հետիոտնային անցումը։ Սա ուղղակիորեն զազրելի է։ Ու՞ր են նայում վարչական շրջանի ղեկավարների աչքերը։

Ասում են՝ փոխթաղապետը ձեռք է բերել պայմանավորվածություն. մենք քեզ շինթույլտվություն, դու մեզ մի քանի տարի շաուրմայանոց աշխատեցնելու տարածք։

Պահանջում եմ անմիջապես քանդել ապօրինությունը, եւ ինչպես քաղաքապետն է հաճախ ասում, մայթը վերադարձնել քաղաքացիներին:

Հ.Գ. Վերախմբագրում եմ գրառումս, տեղադրում եւս երկու լուսանկար, որ որեւէ մեկը չասի՝ մի գիշերում կամ մի քանի օրում են սարքել, չենք նկատել»:

Տպել
Ֆոտոռեպորտաժներ