News
Լրահոս
News
Երեքշաբթի
Հունվար 28
USD
478.87
EUR
528.43
RUB
7.75
ME-USD
0.06
Տեսնել լրահոսը

Կլիմայական փոփոխությունները եւ աղտոտումները պատճառ են դառնում օվկիանոսներում թթվածնի մակարդակի կրճատման եւ սպառնում են ձկների շատ տեսակների։ Այսպիսի հետեւության է հանգել Բնության պաշտպանության միջազգային միության (IUCN) հետազոտողների խումբը, հայտնում է BBC News-ը։

Աղտոտումների վնասի մասին հայտնի է դարձել շատ տասնամյակներ առաջ, սակայն այժմ գիտնականները եկել են այն եզրահանգման, որ օվկիանոսի վրա ավելի վատ են ազդում կլիմայական փոփոխությունները։

Նրանց խոսքերով՝ այսօրվա դրությամբ թթվածնի ցածր մակարդակից տառապում է օվկիանոսներում մոտ 700 հատված, այն դեպքում, երբ 1960-ական թվականներին թթվածնի ցածր մակարդակ գրանցվել էր ընդամենը 45 հատվածներում։

Գիտնականները նաեւ եզրակացրել են, որ կլիմայական փոփոխությունները սպառնում են ձկների այնպիսի տեսակների ոչնչացմամբ, ինչպիսին են թունան, մարլինը եւ շնաձուկը։

Բացի այդ, IUCN-ի հետազոտությունների համաձայն, այսօրվա դրությամբ օվկիանոսների աղտոտման աղբյուր են հանդիսանում այնպիսի քիմիկատների արտանետումները, ինչպիսին են ազոտը եւ ֆոսֆորը, որոնք ջրի մեջ են ընկնում ֆերմաներից եւ գործարաններից։

 

!
Այս նյութը հասանելի է նաև   Русский
Տպել
Ֆոտոռեպորտաժներ