News
Լրահոս
News
Կիրակի
Հունվար 19
USD
479.61
EUR
533.71
RUB
7.81
ME-USD
0.06
Տեսնել լրահոսը

Այսօր` դեկտեմբերի 8-ին, տեղական ինքնակառավարման մարմինների ընտրություններ են անցկացվում Արագածոտնի, Արարատի, Արմավիրի, Գեղարքունիքի, Լոռու, Կոտայքի և Շիրակի մարզերի 16 համայնքում, որոնցից 12-ում ընտրությունները հերթական են, իսկ 4-ում՝ արտահերթ: Նշված համայնքներից 12-ում ընթանում են համայնքի ղեկավարի, և 4 համայնքում՝ ավագանու անդամի ընտրություններ:

Առավոտյան՝ ժամը 8.00-ին, ՀՀ ընտրական օրենսգրքով սահմանված կարգով բացվել են ընտրությունների համար ձևավորված բոլոր 19 ընտրական տեղամասերը և ընդունել առաջին ընտրողներին: ՏԻՄ ընտրությունների ժամանակ ընտրողների էլեկտրոնային գրանցման նպատակով օգտագործվում են 36 տեխնիկական սարքավորում:

Ընտրությունների քվեարկության մասնակիցների թիվը, ըստ համայնքների, այսօր՝ ժամը 12.00-ից սկսած երեքժամյա պարբերականությամբ, կհրապարակվի Կենտրոնական ընտրական հանձնաժողովի համացանցային կայքում:

Հերթական ընտրություններով այսօր համայնքի ղեկավար կընտրեն  Արագածոտնի մարզի Զարինջա, Թլիկ, Կոշ, Հակո համայնքներում, Արմավիրի մարզի Ալաշկերտ, Ֆերիկ, Նորապատ համայնքներում, Գեղարքունիքի` Զովաբեր համայնքում, Լոռու` Անտառամուտ համայնքում, Կոտայքի` Ողջաբերդ համայնքում, Գեղարքունիքի Դդմաշեն եւ Շիրակի մարզի Անուշավան համայնքում կընտրեն համայնքի ավագանու անդամների:

Արտահերթ  ընտրություններ այսօր կանցկացվեն Արագածոտնի Ավան համայնքում (համայնքի ղեկավար) Արարատի` Տափերավան (համայնքի ղեկավար), Նորաշեն (ավագանի) Ծիածան (ավագանի) համայնքներում:

!
Այս նյութը հասանելի է նաև   English and Русский
Տպել
Ամենաշատ