Մեծ Բրիտանիայի վարչապետ Բորիս Ջոնսոնը հայտարարել է, որ իր ամենահամարձակ արարքը մայթին հեծանիվով երթեւեկելն էր: Նա խոստովանել է Sky News հեռուստաալիքին, որ ոչ միշտ է պահպանում հեծանիվով մայթին երթեւեկելու արգելքը:
«Սակայն ես ցանկանում եմ, որ դուք իմանաք, որ ես կտրուկ քննադատության եմ ենթարկում մարդկանց, որոնք հեծանիվով երթեւեկում են մայթին: Ես համարում եմ, որ դա սխալ է, եւ ինձ հաճելի չէ, որ ես երբեմն կարող եմ վարել մայթին նախքան հեծանիվը կայանելը»,-խոստովանել է Ջոնսոնը, հաղորդում է Ինտերֆաքս-ը:
Երբ նա աշխատում էր Լոնդոնի քաղաքապետի պաշտոնում, իսկ այնուհետեւ որպես Մեծ Բրիտանիայի արտաքին գործերի նախարար, բազմիցս հայտնվում էր լուսանկարիչների տեսախցիկի օբյեկտիվում քաղաքում հեծանիվով տեղաշարժվելիս:
Դեկտեմբերի 12-ին Մեծ Բրիտանիայում կանցկացվեն արտահերթ ընտրություններ, որոնք նախաձեռնել է Ջոնսոնը խորհրդարանում Brexit-ի շուրջ համաձայնագիրը հաստատելու համար: Ավելի վաղ պատգամավորները հերքել էին Բրյուսելի հետ գործարքը, որը կազմվել էր Ջոնսոնին նախորդող Թերեզաի Մեյի կողմից:
