News
Լրահոս
News
Չորեքշաբթի
Հունվար 22
USD
478.9
EUR
531.24
RUB
7.73
ME-USD
0.05
Տեսնել լրահոսը

«Դիլիջան ազգային պարկ» ՊՈԱԿ-ի տնօրենին մեղադրանք է առաջադրվել՝ կենդանու նկատմամբ դաժան վերաբերմունք դրսեւորելու համար։ Այս մասին տեղեկացնում է ՀՀ քննչական կոմիտեն։

ՀՀ քննչական կոմիտեի Տավուշի մարզային քննչական վարչության Դիլիջանի քննչական բաժնում հարուցվել է քրեական գործ՝ կենդանու նկատմամբ դաժան վերաբերմունք դրսեւորելու դեպքի առթիվ: Մեղադրանք է առաջադրվել «Դիլիջան ազգային պարկ» ՊՈԱԿ-ի տնօրենին:

2019թ. դեկտեմբերի 1-ին՝ ժամը 14:50-ի սահմաններում, Երեւան քաղաքի բնակչուհուց ահազանգ է ստացվել՝ «Գետափ» ռեստորանային համալիրի բակում գլխի շրջանում հրազենային վնասվածքով շուն հայտնաբերելու վերաբերյալ:

Դեպքի առթիվ ՀՀ քննչական կոմիտեի Տավուշի մարզային քննչական վարչության Դիլիջանի քննչական բաժնում հարուցվել է քրեական գործ՝ ՀՀ քրեական օրենսգրքի 258.2-րդ հոդվածի 1-ին մասով:

Իրականացված քննչական գործողությունների արդյունքում պարզվել են դեպքի մի շարք հանգամանքներ, այդ թվում՝ ենթադրյալ հանցագործություն կատարած անձի ինքնությունը, ով հանդիսանում է «Դիլիջան» ազգային պարկ» ՊՈԱԿ-ի տնօրենը, առգրավվել է հանցագործության գործիք հանդիսացող որսորդական հրացանը:

Նախաքննության ընթացքում պարզվել է, որ ՊՈԱԿ-ի տնօրենը 2019 թվականի դեկտեմբերի 01-ին` ժամը 13:15-ի սահմաններում, «Գետափ» ռեստորանային համալիրի բակում, կենդանու նկատմամբ դաժան վերաբերմունք դրսեւորելու դիտավորությամբ, իրեն ամրակցված «ՏՕԶ»-16 մոդելի որսորդական ակոսափող հրազենով կրակել է շան գլխի հատվածին, որը հանգեցրել է կենդանու մահվան:

Ձեռք բերված բավարար ապացույցների հիման վրա՝ ՊՈԱԿ-ի տնօրենին մեղադրանք է առաջադրվել՝ ՀՀ քրեական օրենսգրքի 258.2-րդ հոդվածի 1-ին մասով: Նրա նկատմամբ որպես խափանման միջոց է ընտրվել ստորագրություն՝ չհեռանալու մասին:

Տպել
Կարդացեք նաև
Ամբողջը
Արդարադատության նախարարը մեկնաբանել է գեներալ Մանվել Գրիգորյանին կալանքից ազատելը
Որոշվել է, որ այս դեպքում հետագայում կալանավորված պահելը եւ ազատազրկումը ոչ մի նպատակ չի ունենա…
Իրանում սպանվել է իրանական «Բասիջ» ժողովրդական աշխարհազորի հրամանատարը
Մոջադամին սպանվել է անհայտ անձանց կողմից...
ՄԻՊ-ը վարույթ է սկսել 16-ամյա աղջկա եւ նրա սպանության մեջ մեղադրվողի իրավունքների հարցով
Մարդու իրավունքների պաշտպանը վարույթ է սկսել ինչպես 16-ամյա աղջկա մահվան առնչությամբ նրա իրավունքների հարցով…
Պայմանագրային զինծառայողը մահացել է ձորն ընկնելու հետեւանքով. ՔԿ
Դեպքի առթիվ երրորդ կայազորային քննչական բաժնում նախապատրաստվում են նյութեր…
ՀՅԴ-ի հայցն ընդդեմ Արման Բաբաջանյանի դատարանը վարույթ է ընդունել
ՀՅԴ-ականները պահանջում են վիրավորանքի համար հրապարակային ներողություն խնդրել…
Դատավոր Դավիթ Գրիգորյանի մասնակցությամբ քննչական գործողություններ չեն կատարվել
Նախաքննությունը շարունակվում է…
Ֆոտոռեպորտաժներ