News
Լրահոս
News
Չորեքշաբթի
Հունվար 22
USD
478.9
EUR
531.24
RUB
7.73
ME-USD
0.05
Տեսնել լրահոսը


Ով էլ հիմա դիմի, Արաբական Միացյալ Էմիրությունների նախագահի որդին չի գա։ Այս մասին այսօր՝ դեկտեմբերի 9-ին, լրագրողների հետ զրույցում ասաց ԱԺ «Բարգավաճ Հայաստան» խմբակցության ղեկավար Գագիկ Ծառուկյանը։

«Ամոթ ա,  մարդիկ գործով եկել էին, եկել էին բիզնես ծրագրով, նորից եմ ասում՝ թագավորի որ տղեն էր, ինչ կա, թագավորի ընտանիքից էր, թագավորի մեծը չէր, փոքրն էր, կրտսերն էր, հիմնական եկել էին բիզնես ծրագրով, ցանկացել են ներդրում անել, մնացածը թողում էր ձեր հայեցողությանը»,-ասաց նա։

Հարցին՝ էլի՞ դիմելու է, որ գան, թե՞ հիասթափված է, Ծառուկյանն ասաց․ «Ով էլ հիմա դիմի, նրանք չեն գա, այդպիսի մոտեցում դուք տեսաք, որ ասացին՝ մենք զգացինք, որ անցանկալի հյուր ենք, ես նորից եմ ասում՝ մենք այսօր ոչ թե խանգարում ենք, այլ ցանկանում ենք աջակցել,  օգնել կազմակերպել, մեր երկիրն է, մեր պետություն է, եւ ժողովրդի սպասելիքներն  իրականություն դարձնենք, ես չգիտեմ մարդկանց մտածելակերպը, մենք խոսում ենք խնձորից, ցույց են տալիս ձմերուկ՝ մարդկանց խեղաթյուրելու, ուղղությունը փոխելու համար, հարցը տվել եք, թող հարցին պատասխանեն լիարժեք, եկել են, ուզեցել են ներդրում անեն, թե ջինսով կգան, դա հիմնական խնդիրը չի։ Ծառուկյանը անձնական շահ չունի, Ծառուկյանը ուզում է լավ լինի»։

Մեկ այլ հարցին՝ Աբովյան փողոցի հյուրանոցի հարցն ի՞նչ փուլում է, նա վրդովվեց․ «Այդ հյուրանոցը թողենք մի կողմ, ես նորից եմ ասում՝ դուք նայեք իմ հարցազրույցը ինչի մասին է, փոխանակ խոսան ներդրման մասին, հիվանդանոցի մասին, որ կառուցվում է անվճար լինելու համար, որ ժողովրդին սպասարկի անվճար, մարդիկ էսօր հիվանդանոցներում հերթեր են կանգնում, գումար չկա, մարդիկ ուզում են քայլ կատարեն, իսկ հյուրանոցը դատական փուլում է, երբ կլուծվի, կլուծվի, խնդիր չկա»։

Նա նաեւ վերահաստատեց, որ չեն տեսնում ճգնաժամ ՍԴ-ում եւ դեմ են քվեարկելու դատավորներին վաղաժամ թոշակի ուղարկելու նախագծին։

Հիշեցնենք, որ «Բարգավաճ Հայաստան» կուսակցության ղեկավար Գագիկ Ծառուկյանը երեկ Ազգային ժողովում նշել էր, որ հեղափոխությունից հետո իր հրավերով Հայաստան են եկել Աբու Դաբիի թագաժառանգն ու Արաբական Միացյալ Էմիրությունների «Ռոտանա» հյուրանոցային ցանցի սեփականատերը, որոնք ցանկություն են հայտնել Հայաստանում ներդրումներ կատարել, սակայն Երեւանի քաղաքապետի ու Երեւանի գլխավոր ճարտարապետի հետ հանդիպումը հաջող չի անցել:

Գագիկ Ծառուկյանը նաեւ ասել էր, որ ինքն անձամբ էր խոսել Նիկոլ Փաշինյանի հետ՝ հանդիպման կազմակերպման համար։

Սակայն պաշտոնական աղբյուրները նշում են, որ 2019 թվականի ամռանը Հայաստան է ժամանել ԱՄԷ-ի նախագահի որդին` շեյխ Սուլտան բին Խալիֆա Ալ-նահյանը, որը, սակայն, Աբու Դաբիի թագաժառանգը չէ։

!
Այս նյութը հասանելի է նաև   English
Տպել